Page 21 - AWEMAINTA

AWEMainta Diaranson, 23 Augustus 2017 21

Organisacion Caballista a anuncia “Interpaso 2017”

september 15, 16 y 17 na Villa Floralina

FOR di dia 15 pa 17 di september awor Villa
Floralina lo ta un bes mas e sede p’e com-
petencia equino mas grandi di e aña 2017,
“Interpaso”.

Durante e fechanan aki cientos di bishitante lo
presencia tres dia yena cu actividad pa henter
famia. Despues di algun aña di ausencia In-
terpaso lo conta cu cabaynan di Corsou cu lo
bin pa participa den e modalidad di Paso Fino.

Cuminsando diabierna 15 di september pa
6’or di atardi, Interpaso lo ranca sali cu com-
petencia di cabay di tur modalidad. Na final lo
clausura e prome anochi cu e banda ‘N Fuzion
cu lo entretene publico cuminsando 11’or.
Diasabra 16 di september competencia ta
cuminsa pa 5 PM. Durante competencia lo
tin un show di cabay tambe p’e publico.
Despues di e Gran Campeonato, ta sera
e anochi cu presentacion di e acorde-
onista di Colombia, Ma Silena Ovalle.

Ma Silena Ovalle ta un hoben di apenas 22
aña, kende a cuminsa toca acordeon cu un
edad di 12 aña. E ta hopi conoci riba rednan
social caminda e ta interpreta diferente can-
cion di Vallenato, Reggeaton, y otro cancion
di artistanan famoso.
Ma Silena Ovalle ta conoci como “La Princesa
del Acordeon” y ta toca na diferente evento
na Colombia como tambe otro paisnan den
Latino America.
Ma Silena Ovalle lo ta acompaña pa Sen-
sacion Vallenata durante su presentacion
durante diasabra anochi na Villa Floralina.

Diadomingo ta toca turno n’e jinete y ama-
zonanan local pa bataya contra participan-
tenan di Corsou, Colombia, Venezuela, y
Republica Dominicana. Riba e dia aki tin
diferente categoria cu lo ta fuerte, Amazona
12-14 aña y Amazona 15-17 aña como tambe
diferente jinete di Corsou lo bin enfrenta e
jinetenan di Aruba.
E competencia di jinete & amazona lo
cuminsa 3’or di atardi. Entrada diabi-
erna y diasabra lo ta solamente 5 flo-
rin, y diadomingo esaki lo ta gratis.

Interpaso ta conta cu apoyo di diferente com-
pania; Divi Resorts cu ta ofrece paketenan
atractivo pa nos bishitante y hunto cu Tropical
Bottling Company, e bar di Interpaso lo ta bon
surti cu prijs atractivo cu diferente bucket spe-
cial y tambe happy hour durante e weekend.