Page 19 - Minister Arthur Dowers

24 AWEMainta Diamars, 16 Februari 2016

Partido MEP a tene
Dia di Refleccion den
cuadro di 45 aña di
existencia

Historia, presente y futuro di partido MEP

DEN FIN di siman candidatonan y presidente di districtonan di partido

MEP a tene un Dia di Refleccion riba e 45 añanan di MEP.
Durante e encuentro sr. Manolo Giel a repasa henter e historia di partido
MEP, especialmente e fundacion di partido y kico tabata e motibo di kiebro
entre Betico Croes y e partido cu e tempo ey e tabata representa, partido
AVP.
Sr. Manolo Giel a elabora den detayes riba e caso den Corte cu AVP a lanta
contra Betico, pa evita cu Betico bira lider di AVP pasobra su fam no tabata
Eman. Despues a reflecciona tambe riba e historia y logronan di partido,
e presente, y e futuro. E logronan di partido ta hopi, y semper ta bon pa
repasa nan un pa un.
Mester tene na cuenta cu tur e inversionnan cu MEP a haci den casnan pa
pueblo, construccion di scol, caretera, edificionan di Gobierno, tur a bay
na forma responsabel, sin endueda e pais n’e manera cu AVP a endeuda
nos pais, E Dia di Refleccion tabata den preparacion p’e celebracion di 45
aña di existencia di partido MEP den curso di e aña aki.
E encuentro di refleccion a wordo bon atendi y e animo ta sumamente
positivo entre e candidato y presidentenan, determina pa MEP t’e alternativa
atrobe, pasobra realmente MEP a demostra den pasado cu e t’e UNICO
partido cu a goberna Aruba na forma responsabel, y t’esun cu semper mester
drenta Gobierno pa coergi e tantisimo erornan di partido AVP.
Pabien partido MEP celebrando 45 aña di existencia.