Page 24 - MIN ECEM 28 JUNE 2017

Biahe Di Prensa Di Luho Di Aruba Di Bishita Riba E

Isla Pa Un Sabor Di Su Tesoronan

 Local
- 27/06/2017

Un grupo di personalidad di prensa importante invita di Suecia, Italia, Reino Uni,
Alemania y Hulanda a bishita e isla recientemente, cu e mision di raporta riba nan
impresion y experiencianan den un cantidad di revista di luho, publicacion on line y blog
di estilo di bida cu ta disfruta di circulacionnan halto na Europa.Kini Kini Tours &
Transfers a ricibi e periodistanan na momento di nan yegada na Aeropuerto y a transporta
nan pa nan hotel anfitrion, esta e Hilton Aruba Caribbean Resort & Casino.Mientras cu
nan tabata riba e isla, e bishitantenan a disfruta di un programa diverso y interesante di
actividad, cual a inclui un Land Rover Tour, bishitando e costa norte, sitio interesante y
luganan historico, un paseo y snorkeling riba un bunita yate di bela, y un tour di
monumento den curason di Oranjestad.

Hilton Aruba Caribbean Resort & Casino a saca e tapijt cora pa cocktails di bon bini y
un cena na Sunset Grille riba e anochi di e grupo su yegada. E menu di Aruba Flair tabata
cuidadosamente planea y a introduci un cena signatura di tres plato.

Desayuno na Laguna Restaurant a tuma lugar e siguiente mainta, ademas di un
tratamento di spa di grupo na Eforea Spa net prome cu nan salida, cu a caba di convence
nan y a laga e periodistanan deleita cu e programa, familiarisando nan mes totalmente cu
e servicionan di prome clase n’e resort, mientras cu nan a disfruta di su marca excelente
di hospitalidad.

Hilton Aruba Caribbean Resort & Casino a caba di pasa dor di un refrescamento multi-
miyonario, pero a mantene su diseño historico intacto, mientras cu el a aumenta su spirito
y estilo tropical, cu muebles, iluminacion y decoracion recapturando un ambiente “retro”,
cual ta data bek na e dia di apertura di e resort na 1959, celebrando su identidad Arubiano
autentico.

Aki por mira e dignitarionan di bishita. E biahe a wordo organisa den cooperacion cu
Aruba Tourism Authority.