Page 27 - MIN ECEM 28 JUNE 2017

Otmar Oduber Di Partido POR Ta Para Pa: Un

Revolucion Economico Unda Ta Reduci Costo Di Haci

Negoshi Y Simplifica Procesonan Pa Haci Negoshi

 Politica
- 27/06/2017

Si enfoca riba “Cost of doing business” pa loke t’e revolucion economico, kier bay
incentiva comercio di Aruba caminda cu kier crea e.o. un cambio di impuesto ‘directo’ pa
‘indirecto’ aki na Aruba. Lo percura pa reduci den e caso aki e gastonan fiscal cu tin
cerca nos empresarionan. Particularmente locual ta trata Inkomstenbelasting y
Winstbelasting, Otmar Oduber a duna di conoce.

DIVIDENDO
Na dado momento por tuma den consideracion hasta e aspecto di belasting riba dividendo
caminda cu ta propone pa crea un fondo cu ta bay fomenta of incentiva e aspecto di
entrepreneurship aki na Aruba.
Esaki ta ensera cu na cierto momento cu tin fondonan cu ta keda pega riba cuentanan di
comerciantenan.
Si ta inverti den un tipo di “growth fund light”, cu ta bira un tipo di fondo di garantia pa
negoshinan nobo por wordo crea, negoshinan chikito, mediano of hasta negoshinan por
wordo amplia y crea entrepreneurship aki na Aruba.

Hasta por bisa cu ta bay duna un special riba e dividendo aki cu e hendenan por saca e
fondonan aki. Parti di dje como comerciante y parti di dje lo bay den e “growth fund” aki
cu lo bay pa fomenta/incentiva e aspecto di entrepreneurship aki na Aruba, lider di POR
Otmar Oduber ta splica.

DIRECTO PA INDIRECTO
Di otro banda dor di bay di impuesto directo pa indirecto tambe bo ta crea flexibilidad
den e aspecto di Winstbelasting como tambe Inkomstenbelasting.