Page 8 - ATA 14 SEPT 2015

32 AWEMainta Dialuna, 14 September 2015

Preparando pa ‘Eat Local
Restaurant Week’

A.T.A. ta
organisa un
workshop basa
riba servicio
y benta pa
restaurantnan

Cu ‘The Art of Dining Service
Management’

RECIENTEMENTE Aruba Tourism Authority

hunto cu The Art of Dining Service Management
a organisa un tayer enfoca riba servicio y benta pa
restaurantnan en conexion cu e prome ‘Eat Local
Restaurant Week’.
E workshop a wordo hopi bon atendi pa
representantenan di e diferente restaurantnan cu
ta participando n’e evento cu ta tuma lugar for di
dia 28 di september pa dia 9 di october.

Durante e Eat Local Restaurant Week, 60 diferente
restaurant rond Aruba ta presenta menunan
special cu ta inclui platonan cu ta inspira riba
ingredientenan local of un plato local.
E restaurantnan a scoge pa ofrece un 2-course lunch
pa US$ 15,- pa persona y/of un 3-course dinner
pa US$ 30.- y/of 3-course dinner pa US$ 40.- pa
persona.
Por haya un lista completo di e restaurantnan
participante na www.aruba.com/eatlocal.

Durante di e workshop, e specialista den biña
y hospitalidad, Monrick Croes a percura pa
diferente ‘tips & tricks’ di servicio y benta cu e
representantenan di e restaurantnan invita. Entre
otro a papia tocante con pa bende un cuminda, con
pa sugeri un plato of menu, bon servicio, con pa
splica y describi e ingredientenan y componentenan
di un plato na un forma atractivo, terminologia, etc.
El a keda satisfecho cu e reaccion y participacion di
e restaurantnan.

Aruba Tourism Authority a organisa e workshop den
e cuadro di e campaña ‘Duna Aruba E Miho Di Bo’,
cu ta enfoca riba brinda e miho servicio y asistencia
tanto n’e cliente turista, como e cliente local.
E campaña tambe ta inclui elementonan manera
desaroyo personal, unda cu ta encurasha hobennan
pa sigui studia pa yega nan metanan y cuido di
medio ambiente.