Page 18 - AAA- JULI 3,2015

Aruba Tourism Authority ta felicita Insel Air Aruba cu su
rutanan nobo

Publication: Friday, 3 July 2015. Categoria: General
Mas cupo for di Latino America pa nos isla

ORANJESTAD (AAN): Cu inicio di vuelonan pa destinacionnan nobo manera Sint Maarten,
Santo Domingo, San Juan y Medellin, ta habri oportunidadnan nobo pa turismo di Aruba,
specialmente for di e mercadonan aki. Algun di e destinacionnan nos conoce for di pasado,
otronan ta nobo.
Algun ta parti di mercado nan clave conforme A.T.A. su strategia, otro nan lo conta cu cantidad
importante di fluho di bishitante nan etnico tambe, cu ta biaha bai of bin en coneccion cu bishita
na famia entr otro.
“Nos ta celebra awe un logro mas di nos aerolinea local Insel Air Aruba, pa cual nos ta masha
contento”, asina Ronella Tjin Asjoe-Croes, C.E.O. di Aruba Tourism Authority a duna di
conoce. “Nos ta convenci cu e adkisicion aki lo desaroya na un forma exitoso”.
Durante e evento na Aeropuerto internacional Luis Muñoz Marin na San Juan, Puerto Rico, a
enfatisa riba e facilidad di bula for di Aruba, dor di e presencia di US Custom Border Patrol
(Inmigracion Mericano) cu ta haci cu e pasahero ta “pre cleared” y ta yega Puerto Rico como un
vuelo domestico, sin cu mester pasa Inmigracion y Aduana atrobe. Tambe a elabora cu e vuelo ta
di algo mas cu un ora, ta economico, ta ofrece algo di come y bebe abordo y riba dje ta permiti 2
maleta sin costo adicional. E vuelonan lo ta tur diahuebs y diadomingo pa y for di Puerto Rico.