Page 21 - AAA- JULI 3,2015

tambe e avion su “turnaround” ta hopi rapido. Ya e avion a prueba den e par di destinacionnan di
ta un “asset” grandi pa Insel Air, el a agrega.

E aerolinea ta introduciendo mas destinacion nobo prome cu fin di aña 2015; por lo menos tres
destinacion nobo ta den preparacion, Nuboer a adelanta. Ademas tin plannan pa bin cu mas
avion, entre otro un otro modelo MD80 y ta papiando cu KLM pa mira si por adkiri cuater
Fokker 70 adicional den e proximo dos añanan.

Presente na e vuelo inaugural tabata tambe Peter Somers, miembro di e Executive Board di
Fokker y President di Fokker Services BV. El a comenta cu Aruba tin un relacion largo cu
Fokker, cu a cuminsa cu e prome vuelo cu a baha na Aruba su prome aeropuerto, esta e avion
“Snip”, te cu awendia, cu Fokker su contribucion na expansion di un aerolinea nacional, esta
Insel Air Aruba.

Insel Air t’ey pa keda, ta sigui crece y ta contento di tin asina un bon mercado na Aruba. Insel
Air Aruba ta gradici comunidad di Aruba pa e confiansa y sosten cu nan ta goza di dje.

Finalisando Frederick Nuboer a gradici otro partnernan cu directamente a aporta na e
inauguracion di e vuelonan pa Puerto Rico: Aruba Airport Authority cu ta brinda sosten cu
facilidadnan di tremendo bon calidad, Minister di Turismo Otmar Oduber cu ta para tras di e
aerolinea y ta pusha pa nan habri mas destinacion; Departamento di Aviacion Civil cu ta wanta
un wowo critico riba Insel Air Aruba pa nan opera cumpliendo cu tur norma y reglanan; Aruba
Tourism Authoirty cu ta sostene e aerolinea cu mercadeo y sin lubida Customs Border Patrol
(CBP) pa e parti di U.S. Preclearance cu ta facilita cu Insel Air Aruba por habri un ruta nobo pa
un teritorio Mericano cu ta precleared caba.

http://www.diario.aw/2015/07/insel-air-aruba-ta-sigui-expande-su-halanan-den-region/