Page 19 - AAA- JULI 3,2015

Ya caba tin demanda halto riba e vuelo pa Puerto Rico pa cual Insel Air Aruba lo adapta su avion
pronto, for di e Fokker 70 pa un MD 80 pa por acomoda mas pasahero.

Aruba Tourism Authority ta convenci cu e exito di nos turismo ta depende di e esfuerso di tur
partner envolvi. Den esey e aerolineanan ta hunga un rol masha importante pa crea cupo pa trece
turismo pa nos isla. “Y den esaki nos ta orguyoso di Insel Air Aruba cu ta sigui desaroya, sigui
expande y sigui bula pa mas destinacion. Mientras cu di un banda nan ta creciendo, di otro banda
nan ta aporta directamente na crecemento di nos turismo tambe. Pabien!”, asina e ehecutivo di
Aruba Tourism Authority a termina bisando, cu un sonrisa di orguyo riba su cara.

http://www.diario.aw/2015/07/aruba-tourism-authority-ta-felicita-insel-air-aruba-cu-su-rutanan-nobo/