Page 20 - AAA- JULI 3,2015

Insel Air Aruba ta sigui expande su halanan den region

Publication: Friday, 3 July 2015. Categoria: General

Frederick Nuboer di Insel Air Aruba

Lo introduci por lo menos 3 destinacion nobo e aña aki ainda!

ORANJESTAD (AAN): Insel Air Aruba a celebra inauguracion di e ruta Aruba-Puerto Rico-
Aruba, cu lo tuma luga dos biaha pa siman, riba diahuebs y diadomingo. Ta for di 7 aña pasa cu
un otro aerolinea a stop cu e ruta aki, despues di 20 aña, cu a keda un bashi y un demanda. Insel
Air Aruba a nota e oportunidad den mercado y ta contento di por haya e oportunidad pa añadi e
ruta aki na e vuelonan cu nan ta ofrece.
“Ya caba e mercado ta mustra cu tin un interes hopi grandi pa pasaheronan bula di Aruba pa
Puerto Rico, pero tambe Portoriqueñonan tin gana di bin Aruba y sigui cu nos pa otro
destinacionnan”, asina e C.E.O di Insel Air Aruba, Fredrick Nuboer, a remarca na e salida di e
prome vuelo diahuebs mainta.

E dia prome, esta dia 1 di juli, Insel Air Aruba a habri dos ruta nobo, esta Santo Domingo cu un
conexion pa Sint Maarten. E ruta, cu ta wordo bula 3 biaha pa siman ta Aruba – Santo Domingo
– Sint Maarten – Santo Domingo – Aruba.
Riba diahuebs Insel Air Aruba a habri un otro ruta tambe, esta Aruba – Medellin – Aruba. E
conexion aki ta algo nobo pa Aruba, como cu no tabatin vuelo directo anteriormente pa
Medellin, segun Nuboer ta splica. Medellin ta un ciudad atractivo pa su servicionan medico y
tambe pa vakantie, pero tambe a pensa riba e personanan cu ta biba na Aruba y tin famia na
Colombia cu ta biba na Medellin of den ciudad of pueblonan cerca di Medellin.

Insel Air Aruba a adkiri avionnan Fokker 70 pa medio di nan partner strategico KLM. E
introduccion di e avionnan aki a cuminsa for di un aña pasa, unda cu tur preparacion mester a
tuma luga pa educa e personal pa bula y atende cu e avionnan aki. Seis luna pasa tur cos a keda
cla y e luna aki Insel Air Aruba ta habri e cuater rutanan nobo cu e avionnan adkiri.

Frederick Nuboer a conta cu e avion tin capacidad pa 80 pasahero door di su tamaño ta excelente
pa uzo ora ta habriendo rutanan nobo y ta hopi flexibel pa uzo den temporada di off season;