Page 35 - MIN TTC - JUNI 10,2015
P. 35
Pagina 6 Diarazon Juni 10 2015
A move e bus di Arubus cu a accidenta banda di Alhambra
Diamars mainta e
cruzada di Alhambra a
wordo cera un parti, pa
asina trabaonan pa hala
e bus accidenta for di e
barancanan. Ta asina
cu dialuna anochi laat
e chauffeur Jeffrey
Duinkerk a bira malo
tras di stuur y yegando e
cruzada, e bus ta kita na
su man drechi y subi e
barancanan. Den e bus
tabata tin entre 10 pa 20
persona.
Ayera nochi despues di e
accidente no por a move
e bus y asina a opta pa
traha un plan pa move den
oranan tempran di mainta.
Nos tin entendi cu dos
patruya probablemente a
haya ordo pa keda henter
madruga caminda e bus
tabata.
Den oranan di mainta
e area a wordo cera pa
asina un heavy equipment
di e compania Albo por a
cuminsa cu trabaonan pa
lanta e bus y pone ariba
un trekker.
Brandweer tambe tabata
ariba un standby na e
sitio, si mester drenta
den accion. Na e sitio nos
por a mira ehecutivonan
di Arubus conversando
ariba loke a pasa.
Nos no ta na altura si e bus
lo bay wordo transporta
pa un sitio caminda lo
bay haci investigación di
kico mas por a sosode
dialuna anochi. Ariba e
combinacion di potretnan
bo por haya un bista di
e trabaonan cu a tuma
lugar.
