Page 159 - SAIL ARUBA 2015 & Royal Visit

Rey Willem-Alexander y Reina Maxima ta atende Sail Aruba .
dia 1 di mei

W ednesday, 25 March 2015 19:43

E aña aki Rey Willem-Alexander y Reina Maxima ta di bishita na Aruba dia 1 di mei 2015. Nan lo ta
presente durante e prome dia di e actividadnan di Sail Aruba. Den e ultimo edicion di e revista ‘Aruba
Dushi Tera’ por lesa kico tur Sail Amsterdam ta encera.
Durante e dianan 1, 2 y 3 di mei Sail Amsterdam a haya un ruman chikito, Sail Aruba. E region di waf lo
bira e décor pa e evento Sail Aruba. Un cantidad di botonan grandi lo bin e Happy Island Aruba pa
celebra e evento aki cu ta forma parti di e celebracion di e existencia di 200 aña di Reino. Dia 30 di
november 2013 den Ridderzaal na Hulanda Rey Willem-Alexander a duna e señal pa start cu e
actividadnan relaciona cu e celebracion aki. Sail Aruba ta un iniciativa cu a sali di Gabinete di
Gobernador Fredis Refunjol. Ta riba su invitacion Rey Willem-Alexander y Reina Maxima lo presencia e
festividadnan dia 1 di mei di e aña aki.
E fiesta aki mester bira algo espectacular. Djis pensa riba binti mil hende canando rond riba tereno di waf
y esaki durante tres dia largo”, esaki Martijn Boelen, kende te poco tempo pasa tabata traha como
director di Gabinete di Gobernador, a bisa. (Boelen su periodo na Aruba a yega y el a wordo reemplaza pa
un otro director). Boelen ta un poco cuateloso den su estimacion cuanto hende lo atende e dianan aki,
pasobra asina hopi bishitante e ‘Open Dag’ cu MariniersKazerne ta organisa tur aña riba 1 di mei na
Savaneta ta haya caba. Marina Real a dicidi cu e demonstracionnan cu tradicionalmente ta wordo haci
riba 1 di mei na Kazerne, ta wordo agrega na e evento Sail Aruba. Esaki ta priminti di bira extra
espectacular door di e di 350 aña di existencia di Korps Marine. “Como nacion maritimo Hulanda tin un
historia riba awa cu ta wordo teni na bida door di e bapornan di bela clasico. Asina e idea pa Sail Aruba a
nace”, Boelen a splica.
Caribbean Sail Training Association ta organisador adhunto di e evento y Fundacion Sail Amsterdam ta
masha envolvi den e organisacion. Boelen a bisa cu durante e evento di Sail Aruba lo tin tur sorto di
actividadnan tanto riba awa como riba tera. Tambe tin oportunidad pa admira e bapornan grandi di
paden. Lo pasa pelicula den un cinema ‘sail-in’. Tambe ta bay tin careda di botonan velero y botonan
modelo di motor. Den e waf di container ta bay bin un podium pa actuacionnan musical.
Pa motibo di e eventonan grandi aki e waf di Aruba lo ta cera pa barconan crucero y di carga durante tres
dia. “E ta bay bira un evento fantastico”, Boelen a bisa.
http://www.24ora.com/local-mainmenu-5/93381-rey-willem-alexander-y-reina-maxima-ta-atende-sail-aruba-dia-1-
di-mei-