Page 163 - SAIL ARUBA 2015 & Royal Visit

Actividad pa Sail Aruba na Museo Arqueologico Diabierna Dia 1
di Mei di 10 pa 2

Tuesday, 28 April 2015 16:52

Bin traha bo cadena di Sail di materialnan recicla na Museo Arqueologico promer cu bo ta sigui bai
bishita e botonan riba e tereno na Waf. Cu sostenibilidad den mente, chikito y grandi por pasa libremente
na Museo entre 10’or di mainta te cu 2’or di merdia pa traha un bunita cadena den thema di Sail y
despues bai “show off” esaki na e evento di Sail Aruba. E actividad aki ta gratis y ta habri pa tur edad!
Pa haci bo bishita mas facil e tram lo core, asina conectando e evento di Sail cu e actividadnan di Museo
Arqueologico, Stichting Rancho, Museo Historico y Ateliers ’89, como tambe e actividad di Muchilla
creativo na Plaza Habibe den caya. Fondo di Monumento lo percura pa un guia di Monumentonan. No
perde e oportunidad aki pues pa conecta tambe cu arte y cultura riba e dia festivo aki.
No lubida tampoco pa saca bo potret den e bunita canoa original di Indiannan Wayuu riba e plein dilanti
di nos Museo, asina completando bo coleccion di potret riba tur e botonan original. Pa mas informacion
bishita e faceboolkpage di Museo Arqueologico, Archeo Aruba y National Archaeoloical Museum Aruba y
di Sail Aruba 2015. Manera semper Museo lo ta habri pa publico den weekend di 10’or di mainta pa 2’or
di merdia. Museo Arqueologico ta desea henter comunidad un dushi dia di obrero 2015 y un ‘Happy
happy Sail!’

http://www.24ora.com/local-mainmenu-5/94593-actividad-pa-sail-aruba-na-museo-
arqueologico-diabierna-dia-1-di-mei-di-10-pa-2