Page 162 - SAIL ARUBA 2015 & Royal Visit

Aruba lo ta anfitrion di autoridadnan portuario y maritimo den
region pa e regional 2-day conference & workshop

W ednesday, 29 April 2015 17:05

Aruba ta preparando pa e conferencia maritimo ‘Challenges & Future Trends for Caribbean Ports’ cual ta
un encuentro grandi cu ta wordo organisa dor di Directie Scheepvaart Aruba y STC Rotterdam cu lo tuma
lugar riba 1 y 2 di mei na RADISSON ARUBA RESORT, CASINO & SPA. Esaki lo bira e prome biaha cu
Aruba lo ta sede di un evento maritimo asina.
Aruba ta den pleno preparacion unda ta cla pa ricibi alrededor di 60 participante di e area di Caribe,
Merca, Sur y Centro America y Europa.
E parti importante di e conferencia aki ta cu e ta den cuadro di “Mei Maand, Maritiem Maand”. Den luna
di mei Aruba lo ta anfitrion di eventonan maritimo grandi manera Sail Aruba tumando lugar tambe riba
1 y 2 di mei, Havenmeester Overleg cu lo tuma lugar riba 27 di mei proximo y Maritiem Overleg Platform
(MOP) cu lo tuma lugar riba 28 y 29 di mei proximo.
Durante e sesion di apertura di e conferencia, Universidad di Aruba lo firma un MOU cu e scol maritimo
di Rotterdam, STC Rotterdam y diferente orador international, regional y local, manera e represante di
International Maritime Organization (IMO), Director di Amsterdam Ports, Director Saab Technologies
B.V., e Director di Canal di Panama y e Minister Plenipotenciario di Aruba na Hulanda lo papia riba
desaroyo portuario di Caribe. Caribe ta keda un area importante pa e sector maritimo mundial mirando
cu e lama di Caribe ta un di e lamanan mas nabega di mundo tanto pa carga como cruceronan.
Ta importante pa Aruba profila su mes como un player nobo den e mundo maritimo, mirando cu hopi
pais den region ta haciendo esaki tambe. Aruba ta sumamente bon posiciona den Caribe. No solamente
cu atraccionnan turistico pero tambe cu un infrastructura maritimo unico y diferente otro
oportunidadnan den cuadro di e Futuro Maritimo Di Aruba como Gateway den Caribe cu mester wordo
promove.
No por keda sin menciona cu e conferencia aki lo no por tabata posibel sin e ayudo financiero
di sponsornan local como regional.

http://www.24ora.com/local-mainmenu-5/94632-aruba-lo-ta-anfitrion-di-autoridadnan-
portuario-y-maritimo-den-region-pa-e-regional-2-day-conference-a-workshop