Page 10 - flip min.on

AWEMainta Diabierna, 13 Februari 2015 23

Planeando
pa expansion
pa mas klas y
scolnan

E PROYECTO “Ipad op School” ta un curiculo cu ta encera un

variedad di programa selecta y implementa cu Ipad.
“Digitale Schrift Good Note” a wordo crea specialmente pa
Colegio Frere Bonifacius y adapta na nan peticionnan.
E compania Mac4U a haci un investigacion y asina awe 31
alumno ta feliz cu nan sistema di siña.
“Loke nos ta mira awe ta un preparacion masha extenso di
Colegio Frere Bonifacius hunto cu e compania Mac4U.
Tur e desaroyonan den e tecnologia a wordo adapta special p’e
scol y su alumnonan. Desde inicio di scol e alumnonan ta traha cu
e programa y ta interactivo cu docente y esnan cu a implementa
e sistema. Esaki ta pone un otro toke riba enseñansa y ta un
cambio total. P’e alumnonan e sistema aki ta interesante y
similar na enseñansa tradicional. Ya cu e alumno ta haya e
oportunidad pa sondea diferente opcion cu tin pa nan, Minister
di Enseñansa Michelle Hooyboer – Winklaar ta relata.

Cu e sistema “Digitale lesmethode Schooltas” cu e digitale
boeken di Thieme Meulenshoff e alumno ta mira, tende, skirbi y
interact mas hopi.
Di e manera aki e alumno masha liher mes, ta haya sa y keda na
altura di kico ta pasa den mundo.
Minister Michelle Hooyboer – Winklaar ta boga pa digitalisacion
den mas scolnan posibel, sea esaki ta un beamer cu un juffrouw
ta uza su laptop pa traspasa e lesnan visualmente p’e alumno, of
e ta un smart package cu e alumno mes por sinta y traha, y loke
awe a ser presenta ta bay un poco mas leu ainda.

E ta incorporacion di loke ta nos isla, loke ta nos cultura.
Technologia ta habri e caminda pa adaptacion di e lesnan den
«real time» via e posibilidad di incorpora video, text p.e. di
geografia di nos islanan, di Caribe, historia, y asina por sigui
menciona.
31 Alumno a siña con pa traha cu e Ipad y riba esaki nan ta haya
lesnan specialmente traha pa nan di natuur en techniek, taal,
rekenen, menskunde, Blauwe planeet cu ta Aardrijkskunde.
Aki e docentenan di Frere Bonifacius a opta pa un combinacion
di Aardrijkskunde traha localmente p’e docentenan y a laga
pone esaki den e computer. Verkeerslessen a wordo crea local
dor di KPA y a wordo digitalisa completamente dor di nan p’e
curriculum aki.
Pa loke ta Geschiedenis a prefera di traha riba Aruba su storia
y a busca un programa cu a wordo traha den añanan 90 cu ta
basa riba historia di Caribe y ABC eilanden cu yama Tijdvonk,
esaki cu permiso di ontwikkelings bureau.

“Awor ta un bon momento pa sigui un” tracking system” di varios
programa cu ta andando caba y evalua y analisa cual ta mas eficaz
y ta yega mas cerca e alumno y t’esun mas exitoso. Y asina poco a
poco yega na digitalisacion den nos sistema di educacion.»
“Un proyecto cu a wordo gesponsor dor di sector priva den e caso
aki SETAR y nan ta entusiasma di mira cu nan inversion ta bay
rendi, cu e ta un inversion den nos futuro generacion cu e ta un
inversion pa Aruba” Minister Michelle Hooyboer – Winklaar ta
termina cu un orguyo riba su cara.