Page 12 - bon-dia-aruba-20201119

a12 riba caya
Diahuebs 19 November 2020

Dos persona herida den accidente di auto na Brazil

Diaranson ultimo den oranan di merdia riba e caminda di
Brazil a sosode un accidente ta trata aki di un homber di edad
cu a perde control pa un of otro motibo baha caminda dal den
cura di un cas y un palo di luz. E impacto tabata fuerte y den
e auto tabata tin un mucha chikito. Ambulance a presenta di
biaha unda paramedico a atende cu tanto e homber y e mucha
chikito pa un control medico.

Parti di cas a pega candela na Arendstraat y un persona a keda herida

Diaranson ultimo algo pasa di 4:50 di atardi unidad di
brandweer a keda manda cu urgencia pa Arendstraat.
Bomberonan a drenta accion di biaha ya a trata di scapa mas
cu nan tabata por. For di e habitante nan a saca afo cu tabata
tin un kortsluiting a tuma luga y un persona a keda herida
debi na corta di glas y a inhala huma tambe. A solicita unidad
di ambulance cu a presenta pa atende cu e persona herida.
Ovd di brandweer a tuma dato di e situacion y lo haci un
investigacion.