Page 36 - AWEMAINTA
P. 36
36 AWEMainta Diaranson, 14 Maart 2018
Pronostico di tempo
Pronostico di tempo valido pa
diaranson 14 di maart 2018
Atencion: un aviso pa boto chikito y biento duro ta na vigor.
Tempo:
Diamars anochi tempo lo ta levemente te parcialmente nubla y generalmente seco.
Den marduga tempo lo ta levemente te parcialmente nubla y no ta spera
awacero di importancia.
Temperatura maximo 32 grado celsius y temperatura minimo 26 grado celsius.
Biento: modera te basta fuerte for di direccion oost. forsa 4 te 5 (20 te 39 km/ora, 11 te 21 nudo).
Den dia fuerte te duro, tin bes hopi duro den rafaga. forsa 6 te 8 (40 te 64 km/ora, 22 te 35 nudo).
Situacion general di tempo:
Tempo generalmente seco lo keda prevalece den proximo 24 ora. E diferencianan
di precion di aire den area di caribe ta sigui grandi, ocasionando biento duro.
Sinembargo esaki lo mengua un poco den e di dos mitar di e siman aki.
Mas aleu por bisa cu stof fini suspendi den aire lo limita visibilidad un poco.
Condicion di laman:
Olanan di lama lo ta for di direccion oost cu altura di 5 te localmente
9 pia. E olanan di mas halto lo ta na costanan oost, noord te noordwest
di e isla.
Biento duro ta hasiendo parti di nos costa bruto. E avisonan
pa boto chikito y biento duro ta keda na vigor pa e motibo aki.
Ocupantenan di boto chikito y usuarionan di laman mester tene esaki na cuenta y procede cu cautela.
Temperatura di superficie di lama: 25 grado celsius.
Fenomenonan special: e centro di investigacionan sismico di Universidad di WI
a detecta un aumento di actividad cerca e volcan bou di laman cu yama Kick’ Em Jenny y
a hisa e codigo di alerta hasiele oranjo. E volcan aki ta situa entre Grenada
cu Grenadines. Aunke e expertonan no ta spera un tsunami den caso di erupcion,
toch DMA lo sigui e desaroyonan rond di e volcan aki cu hopi atencion.
Potencial di awacero pa proximo 24 ora: 1 mm of menos.
Registracion di temperatura (celsius) y awacero (mm) den ultimo 24 ora:
Airport: Max 31/min 26 / 0.0.
Pronostico di tempo pa proximo dianan di siman:
Levemente te parcialmente nubla y generalmente seco.
Biento lo ta for di direccion oost y modera te basta fuerte. Den dia lo tin biento fuerte te duro den rafaga. Tempera-
tura max / min lo ta: 32/25.
