Page 73 - MIN TTC - JUNI 17 2015

Minister Oduber contento cu e di 22 veredicto di Corte cu a
sali na su fabor

Publication: Wednesday, 17 June 2015. Categoria: General

ORANJESTAD (AAN): Minister Otmar Oduber den un encuentro cu prensa, a probecha pa
informa riba un decision cu a worde tuma door di Corte Comun di Husticia den un caso di dje
contra Jan de Ruijter y director di emisora local, unda cu e veredicto un biaha mas a cay na fabor
di e mandatario.
El a recorda con Jan de Ruijter a plama mentira bisando cu su persona no a apela e decision di
Prome Instante manera a worde bisa. Sinembargo e decision di Hof awor ta demostra cu el a
papia berdad y cu esun cu a para pa kens ta Jan de Ruijter.
Den prome instancia Corte a dicidi cu esaki no tabata un caso pa worde trata via di un caso
sumario y cual a mira door di de Ruijter, segun e mandatario ta bisa, como un carta blanco pa e
sigui insulta “mi persona y bisa cu tabatin actonan coruptivo y fraudulento den e casonan di Hard
Rock Hotel & Casino. Y unda a mira cu satelitenan di MEP, liderazgo y henter MEP tabata colga
na e declaracionnan aki continuamente.”
Despues di analisa e caso, tres Huez a tuma un decision y a yega na e conclusion cu Jan de
Ruijter ta worde instrui pa den Solo di Pueblo y riba website Boletin Extra.com pone un
rectificacion. El a expresa di ta spera cu otronan, manera Revolucion cu a uza e expresionnan di
Jan de Ruijter, si di rectifica tambe riba nan propio iniciativa y mustrando grandeza.