Page 71 - MIN TTC - JUNI 17 2015

Gobierno ta trahando riba un balansa den turismo

Publication: Wednesday, 17 June 2015. Categoria: General
Andin Bikker a constata cu:

ORANJESTAD(AAN): Andin Bikker di fraccion di PDR den parlamento tambe a participa den
e reunion di comision di turismo cu a trata e tema di all inclusive.
E lider di PDR a menciona cu ya caba durante e tratamento di presupuesto 2015 Parlamento a
aproba un mocion den cual ta pidi Gobierno pa haci un tipo di research pa loke tat rata e
concepto di all inclusive.
“Entre tanto despues di esey a bini den publicidad cu tin un otro hotel, Radisson, cu e
compradornan tin intencion di transforme den all inclusive, aunke cu e caso ta den Corte ainda.”
Anticipando riba e hecho ey, Gobierno a bini Parlamento pa informa cual ta nan plannan. “Asina
nos a haya un bista riba e posiebl concepto di ley di cambionan den ley cu Gobierno kier bini
cune urgentemente pa por regula e mercado aki.”
E Parlamentario a bisa di loke e por a compronde, e mercado lo bay ta un mescla cu lo por
mantene e all inclusive, pero proporcionalmente segun e demanda di mercado. Pues e ta keda
posibel pero ta regula cu cierto porcentahe di un hotel so por ta all inclusive. Pero e ta un
discusion cu ta andando ainda.
Bikker a bisa cu nan ta scucha pueblo riba tur asunto y e tema aki tambe, y comunidad kier pa
esaki worde reglamenta mirando cu Aruba ta depende casi totalmente di turismo y ta un hecho cu
e concepto di all inclusive ta wanta e hendenan den hotel y e negoshinan rond sigur no ta saca
beneificio di e bishitantenan aki.
Tambe a bini dilanti e hecho cu e hotel cu kier construi na Sero Colorado aparentemente ta uno
all inclusive. Riba esaki Bikker a bisa cu e por a compronde, mundialmente, tin un tendencia cu