Page 74 - MIN TTC - JUNI 17 2015

Den e rectificacion, locual no sa sosode regularmente, Hues a pone basta extenso loke de Ruijter
mester rectifica, bisando cu e no tin ningun prueba y ningun documento cu ta proba su acusacion
y cu su persona ta rectifica y ta pidi disculpa. Y cu ningun momento e por tin conclusion cu
Oduber a actua den forma coruptivo of envolvi den fraude. Pa cada dia cu e no cumpli ta pone un
boet di 1000 Florin te cu un maximo di 50 mil Florin. Ademas de Jan de Ruijter mester paga
gastonan di Corte di Otmar Oduber den Hof y esnan den prome instancia. E veredicto ta
aplicabel di biaha.

“Mi ta kere cu esaki ta pone un final na e tipo di lastramento cu ta tuma luga den nos comunidad.
Pami Jan de Ruijter ta un don nadie, pero lamentablemente satelitenan liga na MEP y esnan cu ta
sigui e sistema di hiba politica aki ta atachando nomber di hende drechi den comunidad.” El a
menciona tambe e caso cu Ministerio Publico a tuma un decision siman pasa riba dje, cu ningun
di e acusacionnan haci tin base pa cuminsa un investigacion contra dje.

Oduber a bisa di ta lamenta cu lider di MEP Evelyne Wever Croes, y su satelitenan, cu ta haci
uzo di e tipo di expresionnan, y pushando e hendenan aki dilanti pa hiba nan mensahe. Manera ta
e caso cu e grupo di 7 cu su actonan contra Prome Minister cu e ta condena totalmente. Ta
pesey, el a splica cu, el a pone alarma na su cas pa proteccion di su famia pa evita cu actonan
bochornoso cu ta worde sosteni door di e lider di MEP yega na su cas. E comunidad aki ta harta
di e politico di ataca y atacha hende simplemente debi na sed di poder, Oduber a duna di conoce.

EL a finalisa bisando cu e ta spera cu esaki ta di 22 veredicto cu tabata na su fabor y mester ta un
mensahe pa MEP y Jan de Ruijter pa pone un paro cu e acusacionnan aki.

http://www.diario.aw/2015/06/minister-oduber-contento-cu-e-di-22-veredicto-di-corte-cu-a-sali-na-su-
fabor/