Page 53 - MIN VOS FEB 27 2015

Benny Sevinger: Ta hospital a bisa den reunion di diseño cu
no mester di sala di operacion nobo

Thursday, 26 February 2015 22:33
Comparti

Renobacion y ampliacion di dr. Horacio Oduber Hospital ta un proyecto cu ta cay bou di dos ministerio,
entre otro di Ministerio di Infrastructura bou guia di Benny Sevinger, kende hunto cu su colega di
Salubridad Publico Alex Schwengle tabata presente den Parlamento pa un reunion riba e tema aki.
Renobacion y ampliacion di e instituto medico ta algo cu pueblo di Aruba tin masha hopi aña ta spera
riba dje. "Ora cu nos a drenta Gobierno, a dicidi cu lo bay traha riba algun proyecto cu tin masha hopi
aña pendiente y un di nan Green Corridor, otro ta ringweg, mudamento di haf y hospital. Di cada un nos
a traha un project-dossier," e mandatario a cuminsa splicando. Pa loke ta hospital, tabatin un analisis
haci di e Gobierno anterior di cuanto lo costa pa traha un hospital otro caminda y kico lo costa pa renoba
y amplia na mesun sitio di dr. Horacio Oduber Hospital. Un comision di expertonan di Gobierno
combina cu expertonan di exterior a dicidi cu e miho opcion ta pa renoba e hospital existente y amplia
esaki cu un ala nobo. Na momento cu Gabinete Mike Eman I a sinta, e mandatario a splica, a haya
plannan di un compania Hulandes di con ta expande e actual hospital y a chek un plan di un compania
Mericano. E diferencia den e plannan ta cu e compania Hulandes tabatin tres ala cu tres dak y tres
fundeshi, y e sistema Mericano tabatin un dak , un fundeshi y un muraya cu ta baha e gastonan hopi y ta
construi rond di e centro di e hospital. Un punto cu e Gobierno a cuminsa traha riba dje, con por bay
financia e proyecto aki. "Nos a analisa diferente opcion, entre otro via di AZV pero legalmente e no por ta
directamente envolvi den structura di e hospital. Nos a evalua otro opcionnan di cual uno tabata pa
financia e proyecto for di nos mesun presupuesto, miyones cu no tin riba mesun presupuesto. E ora a
dicidi pa realisa esaki via di e formula di PPP (Private, Public Partnership) y el a bira un proyecto di
SOGA (Stichting Onroerend Goed Aruba)." Mester a hiba combersacion cu SOGA pa nan tuma e proyecto
y a tuma mas cu un aña problema cu por a keda cla cu tur e negociacion y e documentonan pa por bay
Parlamento. "Esun cu finalmente a aproba henter e proyecto tabata Parlamento, cu ta representa e
pueblo. Unabes cu Parlamento a acorda pa sigui cu e proyecto, SOGA mester a busca e financiamento y
atende cu e construccion," e mandatario a señala. SOGA mester tene cuenta cu nan interes y esun cu nan
ta bay sirbi. SOGA a sinta cu 18 instancia financiero cu a financia e proyecto y despues a busca arkitecto y
contractista. SOGA no ta mara pa bay ningun destaho publico, segun Minister a splica. Den sector priva a
wordo demostra cu ora di destaho publico e prijs pa Gobierno ta hopi mas halto cu si haci un "openboek
aanbesteding" unda cu den e diseño caba tin e contratista caba cu por baha e gastonan na final. SOGA
scoge pa e sistema ey. Parlamento a haci un apelacion na SOGA pa bay un destaho publico toch, y a
cumpli cu e peticion aki sin cu nan tabatin e obligacion aki. Na final tres compania a entrega oferta y un
comision di SOGA di expertonan a evalua e contractonan y a scoge pa e grupo di Merca. A sigui cu e
diseña y delibera riba e ofertanan. E dos gruponan cu a perde, tabatin chens di bay Corte y niun di dos a
haci uzo di e opcion aki. Mientrastanto construccion a cuminsa caba y ta trahando riba e ala nobo. Pa
loke ta e sala di operacion, e Minister a duna di conoce cu na momento cu a sinta na mesa cu e
arkitectonan riba e diseñonan, hunto cu SOGA, a sinta cu tur stakeholder di Aruba y a puntra hospital
kico ta e parti escencial cu mester tene cuenta cune. "E tempo ey hospital a bisa cu nan a caba di renoba
nan sala di operacion cu costa 5 miyon. Despues di dos aña cu nos ta bezig caba, na final ta bin un
rapport riba mesa cu ta bisa cu toch mester bini cu sala di operacion. Gobierno y su conseheronan ta