Page 57 - MIN VOS FEB 27 2015

rapport debido di e mandatario cu un bon splicacion di con e cambio di opinion a bay na Hospital cu
awor tin consecuencia financiero.
Tambe, tin demasiado indicacionnan y insinuacionnan relaciona cu posibel complacencia of cu ta
purbando na beneficia un compania Hulandes den e asunto aki. Ta papia di un empleada di Hospital cu a
kibra su vakantie y biaha for di Francia pa Miami y regresa, djis pa atende un presentacion di e compania
Hulandes. Ta cuestiona ken a cumpra y paga e pasashi ey!
Asina a scucha varios otro pregunta den Parlamento, den cual ta teme cu for di algun skina lo tin
pushamento den un direccion specifico y cu lo por interpreta esaki cu un cierto forma di beneficia e
compania di Hulanda.
E instruccion specifico na e mandatario ta pa e pidi Raad van Toezicht pa nan conduci un investigacion
mesora y entrega esaki den dos siman di tempo, cu resultado di kico a sosode y kende (nan) a faya di
cumpli of den duna un conseho drechi riba si lo renoba e salanan di operacion of no. Un hende mester
para responsabel pa e eror aki, cu a cuminsa desde director Dr. Anoud Boesten, sigui pa Dr. Jaime
Falconi y awor pa Theo de Kool cu ta na cabes di e instituto.
Tanto fraccion di MEP como PDR tambe a para banda di e idea di haci un investigacion, pa por tin
claridad y transparencia den kico a sosode of tambe mas bien con e decision aki a cay, sin consulta e
Raad van Toezicht di antemano.

http://www.24ora.com/politica-mainmenu-18/92302-parlamento-kier-pa-gobierno-investiga-hospital

Den reunion publico tocante hospital drs. Wyatt-Ras a haci
varios pregunta

Thursday, 26 February 2015 23:02
Comparti

Diahuebs durante reunion publico den Parlamento tratando e topico di renobacion y ampliacion di nos
hospital, Minister di Salud, dr. Alex Schwengle, a duna un presentacion na comienso di reunion.
Durante e reunion aki Mervin Wyatt-Ras a trese padilanti cu renobacion y expansion di nos hospital ta
uno necesario. Ora bo cana den hospital bo ta por mira cu ela bai atras y ta anticua. Ta di importancia cu
ora nos hendenan bira malo nan por ta garantisa di haya calidad halto di cuido den un edificio adecua.
E proceso a inicia na 2011 na momento cu SOGA a ser aserca dor di gobierno pa por prepara y carga e
proyecto.
A forma un Steering Committee, consistiendo di Stichting Onroerend Goed Aruba (SOGA), Aruban
Investment Bank (AIB), Hospital, gobierno y diferente profesionalnan pa por haci e trabou. A firma un
MOU cu gobierno. A prepara un programa cu rekisitonan. A busca un architect y a fiha prijs pa huur na
vierkante meters pa un periodo di 25 anja.
Den parlamento a aproba e apoderacion pa gobierno por pasa e tereno.