Page 56 - MIN VOS FEB 27 2015
P. 56
IMSAN ta pendiente pa yega na un CAO pa su empleadonan cu ta miembro di e sindicato ABV, cu ta e
mesun sindicato cu ta representa e trahadonan di dr. Horacio Oduber Hospital. Hospital su trahadonan
tambe ta pendiente un CAO.
E pregunta ta con tur esaki ta bay wordo financia y si e placa ta bini for di AZV of for di unda. A papia cu
e director di AZV, drs. Anko Ringeling riba e tema aki. El a splica na inicio di tur aña, AZV ta informa
tanto hospital como IMSAN (Instituto Medico San Nicolas) cual ta e espacio financiero cu nan tin pa e
aña andando. Den e espacio ey Hospital y Imsan mester percura pa cumpli cu tur e responsabilidadnan
cu nan tin. Esta por ehempel si nan mester di mas specialista, enfermeronan of exigencianan di un CAO,
tur mester cay den e cuadro di e espacio financiero cu a wordo crea pa nan. AZV na su turno ta haya e
placa for di Gobierno, e primanan cu e organo ta ricibi pa cubri e gastonan di AZV. Esaki ta nifica cu
hospital y Imsan sa di antemano cuanto placa nan tin na nan disposicion pa uza den un aña di tempo. "Si
nan keda den e suma cu tin disponibel, no tin problema." El a recorda cu hospital no ta un instituto cu ta
haci ganashi, aunke tin aña nan lo por tin un surplus. Si resulta un saldo positivo na final di aña, lo tene
cuenta cu esaki den e financiamento di e servicio pa e proximo aña. Hospital tur aña tin mester di
specialistanan, door di scarsedad, y otro cambio no spera kisas cu por a surgi.
http://www.24ora.com/local-mainmenu-5/92304-cao-contractacion-di-specialista-y-otro-gastonan-
mester-keda-den-cuadro-di-loke-azv-pone-disponibel
Parlamento kier pa Gobierno investiga Hospital!
Thursday, 26 February 2015 22:45
Comparti
Ta parce cu e decisionnan dudoso y cuestionabel pa cu renobacion y ampliacion di e cambernna di
operacion na Hospital no lo bay sin repercucion. Tur tres fraccion den Parlamento awe tabata di acuerdo
cu mester investiga kico a sosode y con por ta cu Hospital a cambia di opinion asina lihe, cu awor lo costa
mas o menos 15 miyon extra.
Minister dr. Alex Schwengle a haya 2 siman pa haya un bon splicacion di e Hunta di Supervision, pa
despues regresa Parlamento.
Durante e reunion yama dor di e fraccion di MEP a bin varios mocion, pero na final e lider di fraccion di
AVP, Drs. Rene Herde a bisa e mandatario cu e fraccion di AVP lo no sostene e proyecto si no haya un
