Page 54 - MIN VOS FEB 27 2015

papia cu stakeholdernan. Si hospital bisa cu no mester construi e sala di operacion y awor ta bisa cu toch
mester di dje, e unico cos cu nos por haci ta sinta na mesa, revisa nos plannan y construi e sala di
operacion y wak con ta pague. Den henter e proceso tabatin un transparencia grandi contrario di tempo
di Gobierno di MEP, cu kier a traha un hospital den centro di Aruba sin tene cuenta cu e cantidad di
poblacion, leu for di unda e masa di poblacion ta mobilisa."

http://www.24ora.com/politica-mainmenu-18/92295-benny-sevinger-ta-hospital-a-bisa-den-reunion-di-
diseno-cu-no-mester-di-sala-di-operacion-nobo

Drs. Anko Ringeling: AZV ta spera riba un solucion di sala di
operacion pa cumpli cu derecho di aseguradonan

Thursday, 26 February 2015 22:37
Comparti

Drs. Anko Ringeling tambe tabata presente den e reunion publico di Parlamento cu a wordo yama pa
atende cu e proyecto di hospital. Segun Ringeling a duna di conoce den un combersacion cu nos, AZV tin
un responsabilidad pa sigura e derecho cu aseguradonan tin riba cuido medico,
esta cu nan por haci uzo di e derecho ey y cu e ta suficiente y di calidad. Pesey nan a bin ta siguiendo e
desaroyonan tumando luga relaciona cu renobacion y ampliacion di dr. Horacio Oduber Hospital y e
hecho cu e salanan di operacion no ta cuadra cu cierto criterionan di calidad y mester wordo renoba.
"Nos no ta e prome yama pa duna un opinion riba e forma mas responsabel pa yega na esey. AZV
continuamente ta den deliberacion cu directiva y gerencia di hospital y e Minister. Pero nos no ta esnan
pa bisa con esaki mester tuma luga. E ta un asunto di hospital den deliberacion cu Gobierno y Minister."
Pero di tur manera, Ringeling a trece dilanti cu AZV ta urgi pa e proceso di tuma decision wordo haci na
tempo pa bini un claridad, ya cu "si e claridad no bini nos por haya problema. Por ehempel, si dado
momento e salanan di operacion no por wordo uza, e derecho di aseguradonan ta keda existi. Nos por
haya un situacion cu operacionnan cu normalmente por wordo haci na Aruba, nos mester manda e
pashentnan afo, cu tur su consecuencianan financiero y e presion cu e ta pone riba e pashentnan y nan
famia. Nos ta spera cu e no yega asina leu," Ringeling a expresa. E ehecutivo a duna di conoce cu mirando
con e deliberacionnan ta bayendo entre Gobierno y Hospital, cu pronto lo bini claridad y un plan
concreto pa realisa e renobacion di e salanan di operacion. E fondo pa e renobacion tampoco ta algo cu
AZV tin di haber cune. E reunion riba e proyecto di renobacion y ampliacion di dr. Horacio Oduber
Hospital a cuminsa ayera mainta. E ta un reunion pidi door di partido MEP na luna di februari, 2014 y
aunke e tempo ey e salanan di operacion no tabata e tema di discusion, el a bini dilanti den e reunion di
ayera cu a sigui te den oranan laat di anochi.

http://www.24ora.com/politica-mainmenu-18/92297-drs-anko-ringeling-azv-ta-spera-riba-un-solucion-
di-sala-di-operacion-pa-cumpli-cu-derecho-di-aseguradonan

Minister Schwengle: No por tin feitenonderzoek riba sala di
operacion pasobra ainda e proceso ta andando