Page 79 - MIN MICHELLE HOOYBOER WINKLAAR
P. 79
Papiamento tambe a drenta den scol secundario como materia na EPB, MAVO y HAVO y
den scol intermedio (EPI). Papiamento ta den e scolnan academico como materia, p.e.
IPA y Universidad di Aruba, ya cu ta mira y sinti e importancia pa educa nos hendenan
den nan idioma materno riba nivel academico.
E importancia y balor cu nos mester duna nos idioma Papiamento y kere den dje, no ta
algo cu no ta comproba cientificamente. Incluso UNESCO ta boga y tin como meta, pa
tur mucha rond mundo, haya nan educacion den nan idioma materno. Nos no mester
mira e transicion aki como un reto negativo pa idioma, specialmente Hulandes. Ya cu
esaki ta e oportunidad pa fortalece realmente dominio di idioma Hulandes y otro idioma
tambe, y asina ekipa nos mucha- y hobennan cu un miho educacion. Y na final, loke
ami y partido MEP y nos tur mester para p’e ta, pa nos haya un sistema y maneho di
educacion excepcional, unda tur mucha, hoben y adulto ta logra ta exitoso den nan
carera academico. Un sistema di educacion, unda tin igualdad y calidad y ta produci
hende studia y cu gana, inteligencia y conocemento pa saca nos pais dilanti.
http://www.diario.aw/2017/08/papiamento-e-idioma-cu-ta-uni-y-identifica-aruba/
Tres Solucion Pa Mehora Educacion
August 22, 2017
17
0
SHARE
Facebook
Twitter
