Page 81 - MIN MICHELLE HOOYBOER WINKLAAR

Falta di comprondimiento y ayudo, pero tambe falta di tareanan riba un nivel mas halto
por causa problemanan di comportacion di muchanan den klas. Pa e motibonan aki, nos
kier introduci tres solucion: 1) Scol Multi lingual, 2) Klassenassistent PO y VO 3) Fondo
di Desaroyo di Educacion.

SCOL MULTI LINGUAL

E prome manera pa combati e problemanan aki, ta door di ofrece mas cu un idioma di

instruccion na scol. Esaki por hasta wordo haci, sin cu mester cambia e idioma di
instruccion oficialmente, pero… e scol mester ta bon equipa y facilita pa cu e Gobierno,
pa asina directiva hunto cu e maestronan por eherce e tarea aki.

UPP lo percura pa bin cu un MB, pa lanta diferente Grupo di Tarea na Directie
Onderwijs, pa traha materialnan y pone nan disponibel online. E por encera traduccion
y desaroyo di materia y prueba.

Ademas tin un proyecto cu ya caba a prueba su mes exitoso cu ta yama Proyecto Scol
Multilingual: Caminda un mucha ta haya educacion den Papiamento prome, pero na e
mesun momento ta haya e tres otro idiomanan pareu den un forma di wega.

TTO ta Twee Talig Onderwijs, ta ofrece cierto vak den un idioma stranhero: Ingles y
Spaño. Studiantenan por scoge pa haya p.e. biologia, matematica, aardrijkskunde etc.
na Ingles.

KLASSENASSISTENT

Na di dos lugar, nos tin cu enfrenta e problema di falta di comprondimiento door di
duna un mucha mas guia. Esaki por sosode door di laga un klassenassistent guia

gruponan chikito di mucha cu ta ripiti cierto tareanan riba computer. Un
klassenassistent tambe por coregi e tareanan, pa asina e maestro por tin mas tempo pa
duna splicacion y tambe guia e muchanan cu ta compronde y caba cu e materia hopi
lihe y mester di materianan adicional riba un nivel mas halto. Esaki lo bin riba nivel di

SPO, PO, VO y EPI pa asina subi e cantidad di studiante cu ta gradua.