Page 80 - MIN MICHELLE HOOYBOER WINKLAAR

- Advertisement -

Mireille Sint Jago di UPP:

ORANJESTAD(AAN)– Segun e candidato di UPP Sra. Mireille Sint Jago, Aruba ta un di e
paisnan cu ta sobresali den e cantidad di mucha cu ta keda sinta. E average ta 5%,

pues 1 pa cada 20 mucha den Caribe y Sud America, pero lamentablemente na Aruba e
no ta un excepcion ora mas cu mitar di un klas ta keda sinta.

Nos di UPP kier pa tur mucha haya un miho mañan y kier brinda tur e oportunidad pa ta

exitoso. Tambe nos ta reconose cu e trabou di un maestro na Aruba ta hopi mas duro,
pa via di e cantidad di mucha cu ta papia un otro idioma na cas cu e idioma di
instruccion na scol.

Esaki ta trece cu n’e cu un maestro mester splica e mesun materia varios biaha, cu e no
ta haya tempo pa bay mas profundo riba e materia pa esnan cu ta capta tur cos lihe, ni
tempo pa yuda tur esnan cu tin problema cu e materia debidamente.