Page 345 - WAWACAN AHMAD MUHAMMAD

345

16. Jeung Radén Jaya Sutiya,

Panganggo Datuk Bendara parutih,

Sing sarua bodas wungkul,

Nyanggelang pedang manggul gada,

Geus sumping ka médan tepung jeung musuh,

Raja Sundan seug ningalan,

Kagétna kaliwat saking.

17. Saha ieu musuh lawan,

Mana ieu gancang katengah jurit,

Datuk Bendara ngawangsul,

Bisi manéh kurang terang,

Ngaran kami Datuk Bendara Panghulu,

Mitoha Raja Ahmad,

Hakimna Panghulu Mesir.

18. Raja Sundan anambalang,

Na rék naon Panghulu ka tengah jurit,

Milu ulah biyung,

Manéh téh rék ménta jakat,

Aing teja teu mawa duit sabaru,

Kawantu rék maju perang,

Teu mawa duit saduit.