Page 155 - WieEkIs Erin Nel

Epiloog

Gedurende die skryf van hierdie boek het ek regtig menigmaal
gevoel en besef dat hierdie boek vir mý, sowel as ander wat God
rondom my gaan sit geskryf word. Hierdie pelgrimsreis was vir
my net so ‘n enorme leerskool in die gees as wat dit vir baie
ander sal wees. Juis omdat hierdie boek handel oor ons
identiteit in God en wie ons is, het die satan my BAIE hierop
kom konfronteer. Ek het baie trane gehuil, ure in aanbidding
spandeer, die Here se aangesig gesoek en baie geestelike
oorlogvoering gedoen. Oorlogvoering vir myself en vir diegene
van julle wat die boek gaan deurwerk en die bediening gaan
bywoon. Ek kon toe meer as ooit agterkom hoe sag, teer en
dringend God se vaderhart vir ons elkeen is en hoe aggresief
die satan ons wil ondermyn in ons verhouding met ons hemelse
Vader.

Hierdie was nie net om Sy boek te skryf nie, hierdie was ook my
reis tot dieper ontdekkings, liefde, soeke na wie ek is. Bowenal
was grond voorberei vir die gebroke harte wat gaan heel raak
en terugdraai na God. Die Bruid se hart gaan weer sag word, lief
word en brand van passie vir haar Bruidegom!

“Die Man wat ek liefhet, praat, hy sê vir my: ‘Staan op, my
liefling, my mooiste, kom na My toe!” (Hooglied 2:10)

150