Page 153 - WieEkIs Erin Nel

Wanneer ons begryp wat ons doel op aarde is, gaan dit ons
menswees en ons verhouding met God dramaties verryk. Dit
gaan karakter bou en bydrae lewer waar dit sáák maak en nódig
is.

God wil ons gebruik, en Hy is gedurig opsoek na diegene wat Sy
wil op aarde sal uitvoer. As ek en jy nie gaan doen wat God van
ons vra nie, gaan Hy iemand anders gebruik wat gewillig is, en
ons gaan uitmis op daardie hemelse seën.

Kom ons raak prakties.
Is jy reg? Braaf genoeg? Nederig genoeg?

Gaan raak stil êrens, alleen. Word stil en laat die Heilige Gees
met jou praat. As jý opdaag, sal Hý opdaag. Wees net oop,
sensitief en geduldig. Skryf dan neer wat in jou gees opkom. Is
dit van God af of dink jy dit is uit jou eie vlees? As jy onseker is,
vra Hom om dit te bevestig. Soms gaan Hy jou vra om die stap
in gelóóf te doen. Go for it! Hardloop met dit wat Hy uitgelig
het, en doen soos Hy jou lei. Laat dit vloei.

Reg vir nog ‘n oefenlopie?

Kry ‘n stuk papier en iets om mee te teken. Pen, potlood, koki
of vetkryt, net wat beskikbaar is. Gaan sonder jou af en hoor by
die Heilige Gees wat jy moet teken. Gee net oor, en teken. Bid
daaroor, en vra vir God vir wie Hy wil hê jy dit moet gee as ‘n
seëning. Of Hy nou Skrif op jou hart lê om by te sit en of Hy
profeties iets op jou hart lê vir daardie persoon.

148