Page 17 - ATA
P. 17
ATA ta enfoca riba mercado Latino
Americano pa 2020
Posted on 08/5/2019 6:13 pm AST | Updated on 08/5/2019 6:18 pm AST
ORANJESTAD – Oficina di Turismo di Aruba (ATA) ta enfoca riba mercado Latino
Americano pa 2020. Esey a keda palabra durante reciente reunionnan, cu a y ta tumando
lugar e ultimo 5 lunanan. Asina e oficina a informa pa medio di un comunicado dialuna.
Segun e oficina, manera semper durante e lunanan di april te cu augustus, Aruba Tourism
Authority ta prepara su plan y presupuesto pa e aña binidero. Como parti di e proceso aki
ta revisa e strategia y e proyeccionnan pa no solamente e aña cu ta sigui, pero tambe pa e
añanan posterior na esey. Pa medio di diferente reunionnan cu ta tuma luga local, pero
tambe internacional, ta revisa e aspectonan di importancia.
Parti di e reunionnan tabata cu e socionan den e sector priva, lo enfoca riba mercado di
Norte America, Europa y e siman cu a pasa a reuni cu e socionan pa discuti strategia,
proyeccion y e plannan pa 2020 pa e continente di Latino America.
