Page 39 - HOSPITAAL
P. 39
Inspeccion cuido medico y calidad Hospital
October 22, 2018
0
SHARE
Facebook
Twitter
- Advertisement -
Na final di mei 2014, a pone e prome piedra pa renobacion di Hospital despues cu
Parlamento a aproba e proyecto.
E hospital a ser construi pa un poblacion cu tabata menos cu mita di e poblacion actual
di Aruba. Stichting Onroerend Goed Aruba tabata encarga cu financiamento di e
proyecto, cu no solamente mester a produci cambio fisico pero tambe miho
administracion di cuido medico na Aruba.
Ora papia di cuido medico, Aruba mester tene cuenta cu tur loke mester atende cu e
parti mas importante di bienestar di e ser humano, ta mara na AZV, e seguro medico
nacional cu ta domina Cuido Medico. Ta sumamente importante pa tene e aspecto aki
na bista ya cu esun cu ta paga (of ta percura pa e entrada mas halto) ta dicidi
directamente of indirectamente.
Otro punto di hopi importancia ta presenta asina den e hecho cu Aruba no tin un
hospital cu ta un empresa priva, pero un hospital di pueblo. E ta ser atendi dor di
Gobierno, Parlamento y tur instancia independiente cu mester vigila Salud Publico.
