Page 40 - HOSPITAAL

Un di e problemanan cu Cuido Medico tabatin semper ta, cu riba tereno politico e no tin
mucho merito y su balor pa e ser humano hopi bes no ta haya e atencion mereci.

Ley sinembargo ta tene cuenta cu tur aspecto y problemanan cu por surgi.

E structura legal di Cuido Medico a percura pa e organisacion di Cuido Medico na Aruba
conoce Inspeccion di Salud Publico cu na un forma independiente mester vigila e
calidad di Cuido Medico y dicidi si tur loke ta dicidi pa Cuido Medico ta cumpli cu regla y

ta na un nivel aceptabel.

Inspeccion di Salud Publico mester ta ekipa pa por conduci investigacionnan y tuma
medida na e momento cu un problema presenta. Tambe mester tin formanan pa

participantenan na tur ramo di Cuido Medico presenta nan observacion.

Teniendo cuenta cu e base medico di Aruba a ser nacionalisa den AZV, tin mas motibo
pa Inspeccion di Salud Publico ta continuamente alerta.

Ultimo tempo por tuma nota di varios problema cu ta persisti of ta presenta nan mes
awor den mundo medico. No por considera nan incidental, pasobra nan ta afecta
asuntonan esencial di Cuido Medico cu mester ta someti na formulanan cu ta permiti

vigilancia exacto.

Si tuma na consideracion e problemanan cu ta presenta actualmente na Hospital di
Aruba, ta mira cu tur ta rekeri na prome luga pa Inspeccion Medico haci uzo di loke e

mester tin na su alcance pa asina investiga e situacion actual, emiti un rapport y
informa Gobierno y comunidad.

Ni Minister ni Parlamento ni cualkier instancia tin e autoridad cu ley ta duna Inspeccion

di Salud Publico, cu un nomber cu ta papia pa su mes y awor mester haya contenido.

DIARIO ta sigui cu investigacionnan pa ofrece Aruba tur informacion cu e mester pa
conclui kico e por spera riba tur tereno.

https://www.diario.aw/2018/10/inspeccion-cuido-medico-y-calidad-hospital/