Page 42 - HOSPITAAL
P. 42
ORANJESTAD (AAN): Kooyman, hunto cu
Makita Tools Latino America a organiza su evento anual Makita Mega Ladies Workshop,
riba 13 di October 2018.
Un evento unda Kooyman a invita como 400 dama pa bin participa den un workshop
completamente gratis, pa yuda concientisa comunidad riba cancer di pecho, y yuda den
e lucha mundial pa pone un fin na dje.
E evento a tuma luga durante di dia na Kooyman Megastore Primavera, cu 4 wave di
100 participante. Den e workshop aki, participantenan a haya oportunidad pa construi y
verf nan propio Wall Planter, cual nan mester a completa den un ora.
Hunto cu bon muziek di DJ Xavi, y un regalito pa cada participante despues di nan
workshop, a causa cu e evento tabata un exito grandi.
Ana Lemus, e Trade Marketing Manager na Makita Tools, tabata presente tambe pa
duna un man unda cu e tabata por.
IBiSA su “Bus di Salud” tabata presente riba e parkinglot di Kooyman pa duna
clientenan un check-up gratis. Tambe presente na e evento tabata representantenan di
Mary Joan Foundation Aruba, cu ta un organizacion cu ta lucha contra cancer di pecho y
ta yuda concientisa nos pueblo ariba e peligernan di cancer di pecho y ta encuracha
hendenan pa nan haci e check up y test nan mes.
Kooyman a hasi un donacion di Afl.1000 na Mary Joan Foundation pa yuda nan den nan
actividadnan contra cancer di pecho.
