Page 44 - HOSPITAAL
P. 44
Lider di fraccion di AVP: Na luga cu gasto di
personal baha cu 12 miyon el a subi cu 10 miyon
October 23, 2018
CFT a emiti un comunicaco di prensa relaciona cu presupuesto 2019 y na mes momento Parlamento a ricibi e
conseho cu e comision di supervision a haci riba e presupuesto aki y lider di fraccion di AVP, sr Marlon Sneek
ta mustra cu manera fraccion di AVP a bin ta mustra pa algun tempo caba, gobierno usa e ‘crisisheffing’ pa
financia su propio maneho.
“Un biaha mas ta Sali na cla ora cu nos analisa tur e informacionnan aki suministra pa CFT, cu gobierno actual
a mal uza e crisisheffing cu el a castiga pueblo cune, pa financia su maneho.
E 125 miyon cu a bin extra aden no a wordo uza pa atende cu ningun crisis, ni social ni financiero y ora cu nos
a kere cu gasto di personal ta bay baha manera cu nan a priminti y cu lo tin un suma di 30 miyon extra den
caha pasobra no tin cu duna AZV esaki mas, cu lo bay tin placa pa baha debe, pero no, nan a gasta esaki
tambe.
