Page 8 - MIN ON

Restauracion di Rosa

College ta un necesidad

pa enseñansa y un balor

pa cara di Aruba

Published on April 6, 2017 in Politica
ORANJESTAD, Aruba

Recoriendo e trabou di restauracion di Rosa College e siman aki, Minister President a
expresa con contento e ta pasobra “esaki ta un necesidad pa e scol y pa enseñansa na
e scol. Nos a mira cu ora nos a haci inventarisacion di scol na Aruba, mescos cu
edificionan monumental di pais Aruba, edificionan historico, espacionan publico y
barionan, tur tabata den un situacion di deterioro.”

Gobierno di Gabinete Mike Eman a desaroya un vision y un plan pa pone prioridad riba
renobacion di edificio, bario y espacionan publico, esey ta e meta principal cu a pone pa
edificionan cu tin un servicio hopi grandi pa nos pais, pero cu tambe tin un balor
monumental pa Aruba y ta forma e cara di nos isla. Minister President Eman a indica cu
durante e prome termino di gobernacion, a cuminsa cu Minister Dowers na cabes cu a
cuminsa cu e scolnan y despues a sigui cu Minister Hooyboer.

“Rosa College sigur ta un di e edificionan historico, parti di dje ta declara como
monumento caba, esun mas pega cu misa. Un scol cu a cuminsa como scol di mucha
muhe so y despues a bira mix. Un di e scolnan caminda hopi di e juffrouwnan nos por
recorda manera Tan Chedi y juffrouwnan cu nos conoce y pa hopi aña a duna les y ta
pilarnan di enseñansa na Aruba,” Premier Eman a declara.