Page 9 - MIN ON

Minister di Enseñansa, Michelle Winklaar-Hooyboer
Despues di 153 aña di existencia Rosa College ta ricibi un

renovacion grandi

Thursday, 06 April 2017 13:30
Comparti

Diamars mainta Minister di Enseñansa y Famia, Michelle Winklaar-Hooyboer a bishita Rosa College pa
mira e avance di e desaroyo di e renobacion cu ta andando. E edificio tin mas cu 150 aña bieu y nunca a
ricibi un renobacion di estado aki. “Mi ta kere cu e expectativa y tambe momento di alegria pa tin un scol
cu ta bon drecha y por bay pa un otro "150 aña".

Claro mantencion semper ta keda un aspecto hopi importante”, Minister Winklaar-Hooyboer a
remarca. E proyecto aki tin un inversion di mas o menos 4 miyon di florin. Minister Winklaar-
Hooyboer ta premira cu e trabounan di renobacion lo keda cla pa fin di juni y pa e aña escolar nobo e
alumnonan, e maestronan lo ta bek na nan scol. “Mi ta kere un biaha mas nos ta wak e combinacion
perfecto di mantene loke nos tin door di renova y sigura cu nos ta proteha un parti monumental. Pero
tambe e ta crea espacio pa nos por crece areanan adicional y expande e scol cu areanan completamente
nobo construi”, Minister di Enseñansa a remarca. Minister di Enseñansa ta hopi contento cu e progreso
di e renobacion te cu awor. Pero nan ta keda monitoria e avance di e renobacion y cu miras pe keda cla cu
suficiente tempo. Aña pasa na luna di Noveber a cuminsa e renobacion di Rosa College y por mira cu e
renobacion ta canando su caminda basta bon. “Nos ta spera cu esaki sigui asina y sigui riba e timeline
pa keda cla na tempo”, asina Minister Winklaar-Hooyboer a termina.