Page 73 - MIN JUS

Personal di DTP tabata tin un dia druk riba waf diamars

Tuesday, 14 February 2017 22:39
Comparti

Diamars tabata un dia druk pa DTP. Tin algun barco aden y DTP ta riba un control general y ta controlando e
tourbusnan riba bescheiden, rijvergunning pa e chauffeurnan, segun Valerie Figaroa, Waarnemend Hoofd Inspectie
di DTP.

E ta sigui splica cu nan papel di keur mester ta na ordo, rijvergunning, seguro, explotatie di e bus, e bus mester ta
netjes, ta un di e rekisitonan. Loke cu DTP ta haci si e papelnan no ta na ordo, un rapport ta wordo traha y ta wordo
poni den nan file y depende cuanto rapport cu tin, ta tuma medida contra di e chauffeurnan.

DTP ta bezig cu un sistema nobo y lo ta implimentando tur cos door di hinca informacion den e sistema. E sistema
nobo ta bisa tur cos, ki ora e vergunning ta caduca etc. Eynan ta haya sa tur cos caminda cu por yama e vergunning
houder aden pa e por drecha su papelnan na ora.

DTP ta controla taxi tambe y e cooperacion ta bon te ainda. Ora di controla, nan ta coopera bon. Awe a dicidi di haci
un control general. Normalmente nan tey tambe, sinembargo awe a subi caya tempran pa controla tur cos. Door cu
tin tres barco aden, a controla esakinan hunto. Awor aki nan ta 7 persona reparti den paar di grupo.

Exigencianan

Busnan tambe tin limite, dependiendo di e seguro di e bus, cuanto e ta carga etc. Un taxi por carga maximo 5 hende
pa taxi y no mag di surpasa esey.

Situacion

Banda pafo tabata tin un cierto situacion cu ta bisa cu e tourbusnan ta coy hende hiba nan beach. Segun Figaroa esey
no mag. Esey ta cay bao di taxi. E tourbusnan nan trabao ta coy e turistanan via tour y haci un tour cu nan, djey trece
nan bek waf.

DTP ta bezig awor aki ta tackle e situacion mas miho cu por. Aunke nan falta personal, pero nan ta haci nan best den
e casonan aki.

Asina mes hunto cu Polis diamars a logra manda varios tour bus cas bek pa motibo di keuring. Otronan cu nan
number no tabata klop, pasobra kizas ta usa esaki riba mas bus pareu tambe a wordo kita for di caminda. Hasta tin
cu a wordo hiba cu takelwagen. Hopi tourbus cu a mira DTP yega tambe a somenta prome cu nan a pasa control
pasobra nan sa cu nan ta haciendo cosnan robez cu falta di documento.

Taxistanan pirata

Den e area turistico tin taxistanan pirata, pero no mucho, segun Figaroa. Nan no ta subi turista hopi, mas tanto
trahadonan ta subi pa bay den areanan di hotel. DTP ta trahando riba e control riba taxistanan pirata, el a bisa por