Page 78 - MIN JUS

Seppa a cana un caminda largo den e proceso di e caso di ex
trahadonan di Setar

Tuesday, 14 February 2017 22:26
Comparti

Nos a combersa cu Magali Brito di Seppa, kende a comenta un tiki riba e desaroyonan rond di Setar. Tin di
compronde cu Gobierno a firma pa pagonan tuma luga. El a splica con a bay y finalmente tabata un caminda largo
tambe cu Seppa a hunga un rol importante y largo den e proceso aki.

E contenido di e caso riba su mes ta basta conoci. Berdad Seppa, despues di a tuma nota di e resultado na Maart
2016, a acerca Gobierno di inmediato riba esaki, pasobra e caso ta indica e derecho pa 32 persona, di cual, despues di
esey, lo mester a lanta un otro caso pa un gelijktrekking pa e otro gruponan. A acerca Gobierno riba esaki, pa mustra
cu no tin sentido pa keda alarga un inhusticia cu a ser cometi cu un grupo grandi di trahado, cu un tempo tabata
empleadonan y pa por yega na un acuerdo con pa termina esaki, sin tin mester di bay corte.

Na final ta cana e caminda di corte. Tur partido ta para den esaki y esun di mas perhudica ta e persona envoli. Tin cu
agrega cu ta papia en principio di 32 persona, di cual tur tempo Seppa a cubri e gasto di esakinan, pero di e 32
hendenan aki, no ta miembro ni di sindicato Seppa, ni tampoco di sindicato STT. Na final di 2014, for di momento cu
STT a indica di no kier sigui mas cu e caso aki, Seppa ta esun cu a cubri tur e gastonan di e temponan te awor aki pa e
caso akinan y pa e motibo ey tambe ta kere cu e trahadonan tabata cubri den e caso aki bao di Seppa y por lo tanto a
conduci na e acuerdo cu tin cu Seppa pa loke ta e pago cu tin cu tuma luga. En principio tabata tin un acuerdo cu
esaki por sosode na December cu no por a keda cla. E no a sosode. Ta asina cu siman pasa, Minister a informa cu ta
asina leu. Esaki a sosode den ministerraad y e tin un caminda pa caba, esta Raad van Advies y despues di esaki por
palabra e forma cu Gobierno lo paga. Tin diferente posicion riba esaki. Gobierno lo por haci’e directamente for di
finansas. Tin di compronde cu Setar mientras tanto no kier haci’e di nan mes. Di un otro banda tin e posibilidad pa
haci’e via abogadonan. Tin e pensamento for di e mesun grupo aki, cu ta bisa cu si por haci’e via e comisionnan of via
Seppa. Gobierno su pensamento ta mas den direccion di termino legal, cu ta via e abogadonan, pero mientras tanto
tin di compronde cu tin un bay bin di carta, entre otro na Gobierno cu opinionnan y den cuadro di esaki Seppa tin su
posicion. Locual cu tin den esaki ta, loke ta e gastonan di abogado cu tin cu wordo cubri na Seppa bek, despues cu
Seppa tur e añanan aki a sa di para responsabel pa e gastonan y for di principio a para tras di tur e trahadonan, Brito
a splica.