Page 81 - MIN JUS

Tiro den Socotoro a tene habitantenan lanta

Wednesday, 15 February 2017 01:30
Comparti

Varios tiro a tene habitantenan den Socotoro diamars anochi laat lanta for di nan soño. Tabata algo pasa
di 11:30 cu a bati alarma pa cu a scucha tiro den area di Bar-A-Bar, Venezuelastraat y Profesor
Lorentzstraat. Polis a bin haya un homber cu su brommer na suela na e t-splting di Cubastraat cu
Venezuelastraat.

Memey desordo di cachonan ta blaaf, e homber a comenta na Polis cu un auto lo tabata sigui su tras y a
los tiro riba dje; den susto e homber a dal abou cu e brommer. Polis a cera area ora a bin haya algun huls
banda di un container berde cu tin na skina di Cubastraat. A sigui busca den cayanan den cercania pero
no a haya mas huls. Habitantenan preocupa a sali for di nan cas wak kico a pasa cu tanto "blauw" pafor di
nan hogar. Algun a remarca cu ta for di cu aña a habri constantemente ta scucha tiro den area ey. E caso
awor ta den man di recherche.