Page 80 - MIN JUS

Ta trahando pa bin cu un maneho nobo pa hendenan cu ta
drenta via lama Aruba

Tuesday, 14 February 2017 22:31
Comparti

Awor aki ta trahando riba Barcadera. Diabierna tabata tin un reunion caminda cu e comision cu ta trahando for di
aña pasa pa bin cu un maneho nobo pa hendenan cu ta drenta via lama. A duna presentacion na ministerraad y a
palabra cu pa e siman aki caba lo presenta tur e rekisitonan cu tin di haber cu esaki. Despues lo informa comunidad
y prensa amplio pa loke ta e pasonan cu lo tuma den e waf di Barcadera.

Sa cu tin diferente cos cu no ta canando completamente manera cu nan mester ta. A puntra minister di Asuntonan
Economico pa duna un analisis di e impacto economico, si bay hopi strak riba e mantenimento di e reglanan, si esey
ta e impacto economico, a bisa pa nan e impacto di siguridad ta mucho mas grandi cu e impacto economico. E
minister di economia tabata dia cuerdo cu esey. A papia cu e minister mes cu ta encarga cu zeevaart, cual ta Mike de
Meza, ta para completamente pa loke ta e parti di siguridad via di nos wafnan. E mes tambe ta responsabel pa e parti
di siguridad. Minister di Asuntonan General ta envolvi y tambe esun cu ta encarga cu douane ta envolvi. Ta di spera
cu pa e siman aki por duna mas informacion riba e pasonan estricto. Por bisa cu a cuminsa caba cu controlnan cu tur
hende mester cumpli cu ora nan bin cu un boto, cu tur e rekisitonan cu ta wordo stipula internacionalmente. No
solamente ta yega cu un boto cu no tin papelnan na ordo of papelnan falso of tur e cosnan, ta manda boto bek cu
carga cu tur cos. Ta purba di reduci e cantidad di ora cu e botonan ta keda mara na nos pais y tambe reduci e
posibilidad cu e hendenan ta bin. Un keho cu ta haya hopi cu un boto ta bin cu 12 hende como tripulante. Despues
nan ta pasa manera na un uitzendbureau, ta sali drenta bay traha, bin tur na verf y cement. Tur cos asina ta bay para.
Nan ta trece carga, subi boto y bay cu carga cu tin cu bay cune y si no tin, bay bek. E responsabilidad akinan ta pa e
hendenan aki cumpli cu e rekisitonan stipula aki. Tambe ta bay tira un bista mas estricto riba esnan cu ta bay for di
nos mesun pais cu boto. Tin diferente regla stipula cu nan mester cumpli cun’e. Tin di compronde cu pa aña ta wordo
tolera cu no ta tene nan mes na e rekisitonan aki. Ta bay controla esaki mucho mas severo. Tambe ta asina cu lo bay
tira un bista mas estricto loke ta e negoshi cu tin awor aki di koper, cu ta treciendo koper nos pais, caminda cu ta
kere cu tin un potencial cu por trece otro cosna ilicito y lo percura e ora ey pa nan wordo para si ta necesario, si ta
coriendo demasiado risico. Pa fin di e siman aki ta duna en detaye riba esaki.