Page 79 - MIN JUS

Ta di spera cu pa fin di aña cu e caso di e dos Colombianonan
mata pa Arestatie Team yega na su fin

Tuesday, 14 February 2017 23:14
Comparti

Nos a tuma nota cu tin cierto desroyonan relaciona cu e dos Colombianonan cu a wordo tira mata na Renaissance.
David Kock, abogado ta conta con nos ta para awe. El a splica tin dos stroming ta coriento. Uno ta un caso civil y e
otro ta caso di daño den e procedura penal. Den e caso civil ta asina cu ta na Hoge raad na Hulanda.

Pa otro luna procurador di Hoge Raad tin cu duna su opinion y ta spera mita di aña pa e decision final pa e caso ey. A
diferencia den e caso civil cu e daño y perhuicio penal, no por pidi daño y inmaterial. Esta daño manera sufrimento
pasobra e persona a fayece. Pero daño manera entiero, transporte, alimentacion, etc. Naturalmente den e caso penal
a purba di hinca e parti di daño ey den dje. Hues a bisa cu esey no ta e caso y pesey el a otorga pa un di e tres
gruponan cu ta representa 60 y algo mil florin na daño. Den e caso ey tambe tin apelacion y hof a pone e tratamento
mas den mita di e aña pasobra hof tambe kier tende kico Hoge Raad ta bisa den e otro caso. E dos casonan si ta liga.
Ta e caso di un di e tres gruponan cu e abogado ta representa. E otro dosnan, corte a dicidi pa wantanan un rato pa
duna un sorto di veredicto pa no duna veredicto cu mañan por contradeci otro. Kiermen den un di nan ta
parcialmente cla, wardando e otro dosnan.

Te con leu

E caso aki ta bayendo pa un paar di aña. Kock a splica cu constantemente e famia ta pendiente. Awe mainta ainda e
ta mira preguntanan di nan pasobra nan a bolbe tende cu tin un otro grupo cu tambe ta entamando un caso y segun e
abogado ta un grupo di famia lehano y no famianan directo pa e mesun caso. Esey ta speculacion di e abogado, basa
riba e acercamentonan cu tabata tin den pasado. Pero segun nos leynan ta e famianan directo so tin derecho riba
daño y perhuicio.