Page 12 - BNDIA ARUBA

a12 riba caya
Dialuna 12 november 2018

Persecucion tras di auto y un ilegal deteni

ORANJESTAD - Diabierna anochi, patruya di Oran-
jestad a duna un Chevrolet Optra señal pa para, debi
cu e tin luz kima dilanti, y e chauffeur a nenga pa para
pa autoridad.
Asina e oficial a sigui tras di e auto y a start un persecucion
den area di Madiki y a bin termina te cu e mondi na Tanki Flip
pa Hato. Sospechoso cu tabata den e auto como chauffeur a
core sali drenta mondi den tur e cadushi y matanan di kwihi,
lagando un dama atras.

Un otro oficial a sigui tras di e sospechoso mientras a perde
for di bista den e mondi na Tanki Flip. Polis a constata cu e
dama no tin permiso pa ta na nos isla y a keda deteni, hiba
Guarda nos Costa.

Dos persona hinca patras

di corte

ORANJESTAD - Diasabra anochi, patras di corte na
Playa, a surgi un caso unda un grupo di persona a yega
na edificio Kini Kini dilanti taco bell, y bringa cu dos
hoben.

Un homber grandi a sali na defensa y a keda hinca, y otro
mucha homber a wordo hinca tambe. E agresornan a bandona
e sitio, pero segun e personanan presente, ta un grupo di Ma-
diki ta esunnan cu a bin busca nan problema y hinca tanto yiu
y pareha di e señora.
Ambulance a presenta pa atende cu e victimanan. Polis a topa
cu e cuchiu cu e agresornan a uza y a tuma esaki den beslag.

Auto a ranca borchi y mata na rotonde Pos Chikito

ORANJESTAD - Diasabra den oranan di mardu-
ga, yegando e rotonde Pos Chikito, e dama chauf-
feur di un Toyota Yaris bahando for di San Nicolas
a perde control di su auto, causando un accidente.

E auto a ranca borchi y mata cu tin mey mey di caminda. E
impacto tabata fuerte cu a laga e auto basta kibra, y e dama
chauffeur a resulta levemente herida. Ambulance tabata pre-
sente pa atende cu e victima. Polisnan tambe tabata na e sitio
pa asina tin e caminda cera y tuma dato di e accidente.