Page 23 - bon-dia-aruba-20190518

A23
servicio Diasabra 18 Mei 2019
Burubundu Centre for Wisdom & Compassion ta presenta

Programa con pa hinca sabiduria y compasion den nos bida diario

ORANJESTAD - Centro Burubundu ta un ini-
ciativa di Hans y Rita Timpner, como gratitud
pa duna bek e bondad cu Aruba a duna nan.
Ya mas cu 30 aña e pareha aki ta studia e fi-
losofia di bida budista, y ta comparti esaki cu
tur hende interesa. Durante diferente confer-
encia den exterior, Hans y Rita a conoce Geshe
Chamba Tonyut. Nan a keda impresiona cu su
sabiduria y e forma con e ta inspira hende pa
saca lo miho di nan mes.

Geshe Chamba ta un lama Tibetatno. E tin un doc-
torado den filosofia Budista y ta duna les na dife-
rente universidad y monasterio. Tambe e ta duna
instruccion di meditacion y enseñansa di Budismo
na entre otro Canada, Europa, Rusia y Asia. Y den e
simannan cu ta sigui, e ta honra Aruba cu un bishita,
unda e ta comparti su bunita filosofia y su exper-
encia di un bida noble cu e pueblo di Aruba. Tur e
eventonan aki ta gratis.

E programa di Geshe Chamba na Aruba ta
como siguiente:
- Apertura dialuna 20 di mei pa 8or di anochi. Ap-
ertura di exposicion ‘Impresion di Tibet’ Na Bib-
lioteca Nacional di Aruba. Aki lo tin un charla di
Geshe Chamba tocante bida na Tibet, compasion y
sabiduria.

- Diamars 21 di mei di 7 pa 9or di anochi lo tin un
charla sigui pa un intercambio di pensamento na
Kerki Protestant di Playa. Tema: Educacion y Com-
pasion, y educacion den sabiduria di bida. Un tema
hopi interesante pa tur educador y mayor, tanto na
scol y na cas.

- Diabierna 24 di mei di 8or di mainta pa 12or di
merdia tin un charla y intercambio di pensamento
na Centro Kibrahacha. Aki lo papia riba compasion y
cuido di nos grandinan. E balor di nos grandinan pa
nos comunidad y con pa stimula nan pa keda activo
na tur edad. Tur hende ta bonbini na e charla aki. Pa
mas informacion por yama 560-4295.

- Diadomingo 26 di mei di 8or di mainta pa 12or di
merdia tin un retiro na Universidad di Aruba. Aki
lo bay profundo riba norma y balornan sano y sabi-
duria y virtudnan di bida. Pa e evento aki por inscribi
na Universidad di Aruba na 526-2258 cerca Anchie.

Ya pa un tempo tin un grupo di ciudadano cu ta
topa tur siman na centro Burubundu, unda nan ta
medita y papia riba temanan di bida. E participan-
tenan ta curasha tur hende na Aruba pa asisti na e
eventonan di Geshe Chamba. Tur ta gratis y di balor
inmenso pa cada hende y nan famia. Den un mundo
cu cada dia ta bira mas pura, y cu hopi falta di har-
monia, ta importante pa nos busca bek e noblesa cu
tabata caracteristico nos pueblo. Ta importante pa
nos busca bek e cosnan cu a haci Aruba grandi. Nos
gran cordialidad, manera nos himno ta bisa. Sem-
per t’ey pa otro. Haci esfuerso pa compronde otro
y duna conseho. Tene compasion pa bo prohimo, y
semper busca e caminda di rectitud y biba segun e
sabiduria di nos antepasadonan. Stima y cuida natu-
ralesa y biba un bida sostenibel. Siña nos muchanan
di chikito pa tin respet pa otro y pa nan mes. Y asina
tin hopi principionan di bida cu ta esencial pa un
pueblo harmonioso.

Pa mas detaye y informacion riba e programa por
yama Hans y Rita Timpner na 560-4295, Jaap Beau-
jon na 593-1325, Gregory Bronswinkel na 593-9388
pa e evento na Kerki Protestant na Playa y Universi-
dad di Aruba. Pa e evento na Centro Kibrahacha por
yama Jeffrey Matos na 594-6655 of Kelsey Arends
na 582-8159.