Page 43 - HOSPITAAL

bo ta siña regula bo pensamentonan negativo. Bo ta maneha nan mas miho. Tambe e
ta yudabo focus riba un cos.

Bo ta desaroya atencion. Bo focus, bo concentracion ta bira miho y bo por haci bo

trabao di tur dia mas miho, cu mas productividad, cu mas claridad y menos stress.

Banda di esey tambe por yudabo cu bo inteligencia emocional, cu bo ta ripara cu bo por
maneha bo emocionnan miho y tambe reconoce e estado emocional di otro y tambe bo

ta desaroya compasion pa bo mes, compasion pa otronan.

Ta pa e motibo aki e practica a bira hopi popular den nos mundo moderno cu ta un
mundo cu ta produci hopi stress y hopi ansiedad, e cultura cu nos ta biba aden

actualmente.

Ta pesey ta importante pa tuma control riba bo mes y practica ehercicionan cu ta yuda
bo mes pa balansa bo mes.

Ora cu bo ta cuminsa bira ausente, bo atencion no ta den e momento mas. Bo ta perde
contacto cu e momento. Pero bo por trece bo mes bek ora cu bo ripara cu bo ta
ausente. Kico ta pasa ora cu bo ta ausente regularmente, manera den casonan cu bo ta

hopi druk of di atende cu problemanan y no ta saca momento pa cuida bo mes, bo ta
ripara cu e cerebro ta cuminsa produci e hormonanan di stress, ora cu constant nos ta
multitask bezig cu tur cos pareu y nos atencion ta den futuro, tur cos pa haci. Of nos
atencion den pasado, cu tur cos cu a pasa, cu nos ta procesando ainda, e curpa ta

cuminsa yena cu e stresshormoonnan aki, cu ta haci cu e curason ta cuminsa bati mas
duro y e cerebro no ta haya e energia, e circulacion cu e tin mester. Esey por causa
ansiedad den nos sistema.

For di eynan tambe, e diferente problemanan di salud. No solamente mental, pero fisico
tambe bo ta sinti. Por ta bo ta bay drumi menos miho, digeri menos miho. Asina e ta
bira un cascade effect.

Den mente, ta funciona miho, e cerebro ta funciona miho, ora nos ta presente den nos
accionnan di tur dia.