Page 44 - HOSPITAAL

Banda di esey, ta importante pa saca tempo, pa practica Mindfulness. Ta conciente y
presente di bo accionnan.

Un psikiatra popular mundialmente a bisa cu e practica di Mindfulness por compar’e

como un seatbelt pa proteha bo curpa fisico. E practica di Mindfulness ta pa proteha bo
mentalmente. Pa bo mente no bay mucho leu y pega den pensamentonan negativo of
ansioso, pero bo ta trece bo mente bek cada biaha den e momento aki.

E ta zona un tiki dificil, pero e ta un practica. Mas bo practik’e, mas facil e lo bira. Lo bo
ripara cu e ta bira poco poco un custumber, hasta. Ora cu bo ripara cu bo ta hopi
ausente, cu dimes bo ta ripara cu bo ta bay duna bo mes un rosea profundo, bo por
trece bo mes bek mas facil den e momento.

Pero al principio, e ta rekeri practica y practica, pasobra bo ta cambia e custumber di
bo mente. E custumber aki poco poco por bira un cambio positivo, duna un cambio
positivo den bo celebro, cu research por midi e cambionan aki den bo celebro cu un

hende cu ta practica Mindfullness regularmente, ta wak cu e centro, e amigdala, cu ta e
centro cu ta reacciona ora cu nos ta den stress, rabia of angustia, e centro ey ta
cambia. Esey ta un cambio positivo, pasobra e habito di e celebro mes ta cambia y bo
ta ripara cu e habitonan dimes ta bay bira mas saludabel tambe.

Bo ta siña regular bo mes mas miho, tuma decisionnan mas saludabel pa bo mes, ta un
desaroyo cu ta bay poco poco pero sigur cu resultadonan beneficioso p’abo.

https://www.diario.aw/2018/10/pa-medio-di-mindfulness-bo-por-recupera-bo-

balans-y-regula-pensamentonan-positivo/