Page 11 - AAA

SADA: Mester tin e flexibilidad cu por habri mas balie den e
sala di yegada di aeropuerto

Sunday, 05 February 2017 17:51
Comparti

Tin un problema masha grandi mes ora e piekuren, ora tin fluho di miles di pasahero den un timeframe
di algun ora, caminda cu AAA

tin cu huur in un compania pa baha maleta for di e conveyorbeltsnan pa asina nan por acapara mas
maleta cu ta drentando, segun Eduard Maduro, presidente di Sindicato SADA.

Un compania ta bin, baha e maletanan, stuwanan tur rond di conveyorbeltsnan, pa asina mas turista por
cana. Ora nan haya cu ta den un situacion asina caotico, ora nan yega na Douane, nan ta baha nan
frustracion riba nan pasobra nan tin cu haci control. Ta tarda por lo menos mey ora pa 45 minuut pa
baha maleta. Pero si nan kier pa nan pasa den control di douane den 1 minuut. Pero e ta full fout,
pasobra nan tin cu haci nan trabao debidamente. No ta tur ora tin fluho di pasahero halto. Pero ora tin’e,
mester tin e flexibilidad cu por habri mas balie y haci e control miho cu e fluho tambe por bay. Esey ta
como si fuera tin un misunderstanding entre tanto leiding di douane, AAA y Douane cu ta riba werkvloer.
Con por yuda

E aparato di scan ta un herment. No por confia 100% riba dje. Pero e ta yuda si. Kico ta haciendo awor
aki, ta kitando e espacio pa traha. Ta bin cu dos pa tres scanmachine, e ora tin cu prop’e den un luga mas
chikito ainda. Esey no ta e intencion. Douane mester keda cu e bista riba e aankomsthal pa por keda
profil’e. E diseño cu tin awor aki, tur douane tin cu para tras di frosted glasses y no tin bista riba e turista.
Posiblemente por tin un douanero cu mester tene bista riba full e vloer di e yegada y esey no ta
profesional, ni eficiente. Un hende no por bay sinta wak miles di pasahero cu ta cana rond. Manera cu
tabata tin’e antes, unda cu tin bista riba dje, tur hende ta contribui cu nan punto di bista. Loke uno no a
wak, e otro si ta wak. Asina ta comunica cu otro. Ora ta coy tur e personal di douane, pone tras di muraya
cu no ta mira e pasaheronan, e ora no tin bista pa profila kico ta pasa eyfo. Esey ta e partinan cu ta haya
hopi jammer. Di un otro banda, a señala na AAA cu tin tanto luga parti pafo. Ainda den e edificio, pero
pafo di e area di douane. Nan ta sinti cu e asina yama carrental husslers, esnan cu no ta huur booth pafo,
ta ataca of nan ta hussle e turistanan pa huur auto, etc. Nan ta sinti cu si nan pone den gebouw pero pafo
di e area di douane, ainda nan ta hussle e turistanan.