Page 12 - AAA

Problema di aeropuerto cu Car Rental no mester bira
problema pa Douane na Airport

Sunday, 05 February 2017 18:06
Comparti

Si AAA tin un problema cu Car Rental pafo, no por haci’e problema di douane.

Awor aki e ta birando un problema pa douane pasobra kier kita espacio di Douane pa acomoda car rental
paden. Te hasta a puntra e director durante e reunion cu tabata tin cun’e diamars, ora cu a sali, cu el a
yama pa por sinta un rato cun’e, a puntr’e unda cu e car rentalnan paden ta beneficia douane. Mas bien
ta kitando espacio di douane. Si tin beneficio pa e trabao, cual a bisa cu no tin beneficio. Eynan SADA a
bisa cu ta jammer. Si e director mes ta ripara cu no tin beneficio pa e ambtenaarnan, dicon a keurgoed, e
mapa y e carrentalnan paden, siendo cu a bisa pa hopi tempo caba cu e luga ta chikito. Apesar cu
conocemento cu sa cu e luga ta chikito, ta duna toestemming na AAA pa haci e luga mas chikito ainda. E
ora ta bisa cu e ambtenaarnan tin 8 ora cada warda, 24ora pa dia.
Funcionamento

Ta di compronde cu e ta director berdad, esta sr. Croes, pero ta na su luga pa sinta cu sindicato. Sindicato
ta vocero di e trahadonan y puntra nan con por drecha e fluho di pasahero. No puntra con nan ta haya
con e carrentalnan bin paden. Tin cu puntra con por traha hunto pa yega na un solucion, unda cu por
traha mas eficiente, e fluho di pasahero por drecha. Esey tabata e miho manera pa atende e situacion na
aeropuerto.
Siguiente paso

Ta en espera pa Gobierno contesta nan carta manda diamars ultimo. Pero tin un reunion pendiente cu
minister Bermudez diamars awo. Esaki sigur sigur ta un punto di discusion, cu lo atende cun’e pa por
splike atrobe. E reunion cu minister Arends a bay den un esfera hopi positivo diamars atardi, unda cu e
tiki rato cu a sinta cun’e, splik’e e motibonan pakico ta kere cu e carrentalnan no ta pertenece eyden, cu
ta kita luga di douane, el a bin compronde tur e puntonan. El a sinti cu e puntonan, e argumentonan ta
valido y ta spera mirando cu Gobierno ta accionista mayoritario di AAA, cu nan por tin un voz y si acaso
nan wak cu en berdad SADA tin rason, pa para e cos aki.