Page 30 - HOH

Ariba Diahuebs 16 di Mei, a bay bek na e localidadnan aki pa haci un siguimento y e ora
ey tur tres tabata cumpli cu e rekisitonan pa por a sigui funciona manera mester ta.

PRODUCTONAN CADUCA

Jurette Croes a agrega cu pa loke ta control di caducidad di e productonan, DVG so no

por haci e trabao aki. E ta responsabilidad di e ciudadano cu ta haci compras.

Na momento cu bo ta haci compras, check tambe si e productonan nan fecha ta bon.
Hopi biaha e productonan ta wordo reduci den prijs y esey ta pasobra e fecha di

expiracion ta yegando of por ta el a caduca caba. E recomendacion ta pa no cumpra
esakinan of si cumpre mes pa sea conciente cu e producto ta bay caduca y tin cu use
mas pronto cu ta posibel.

Semper ta bon pa ta atento pa situacionnan anti-higienico pa yama Departamento di
Salud Publico (Seccion di Warenkeuring en Higiene) of pa medio di nan Facebook Page
manda un mensahe of pa medio di telefon.

Croes a indica cu ora un producto ta caduca e por haci bo daño. No semper ariba e
fecha menciona e producto ta daña. E fecha ta un indicacion cu den e dianan ey, e por
daña. Pero si despues di dos luna e producto ta hole malo y bo ta bay come esaki tog, e
chens ta grandi cu e por haci bo malo, a remarca.

https://www.diario.aw/2019/05/control-ta-sigui-na-e-supermarketnan/