Page 31 - HOH

Corte No A Permiti Minister Dangui Oduber Prolonga

Decision Contra Jerry Staring Pa Di Tres Bes

 Local
- 20/05/2019

Raadkamer a dicidi cu Minister Dangui Oduber no por prolonga pa otro 12 siman mas su
decision di pone e Director di DVG, Jerry Staring haci otro trabou, apesar cu e ta haya su
salario normal.

Huez a bisa cu e ta kere cu Staring tin urgencia. Aunke cu e no ta perde su salario, pero
prolongando e decision aki cada biaha, e ta wordo manera poni un banda y e tin
consecuencia tambe pa su carera. Y e no ta agradabel pa su ambiente pa traha.

Aña pasa despues cu el a wordo manda cas den luna di juni, a instala un Management
Team y despues a dicidi di prohibi’e entrada na DVG. Despues a pone haci otro trabou,
mientras cu a inicia preparacion pa haci un “doorlichting” den e departamento riba su
funcionamento.

Esaki a keda cla y e Management Team tabatin suficiente pa studia e resultado di e
investigacion haci.

Como cu no a keda cla, na februari a prolonga e decision aki, di lague haci otro trabou, cu
12 siman.