Page 32 - HOH

Pero na maart atrobe a dicidi di prolongu’e cu 12 siman, siendo cu Corte anteriormente a
pidi Gobierno pa yega na un decision, mirando cu for di october caba e investigacion a
laga haci ta cla.

Corte ta di acuerdo cu Jerry Staring ora cu e ta bisa cu e provision aki cu ley ta duna
Minister pa pone haci otro trabou, ta di un caracter temporal.

Ya caba den e decision di dia 4 di februari, Huez di Casonan Provisorio a bisa cu mester
tuma pasonan concreto pa loke t’e posicion huridico di Staring, pa evita un di tres
prolongacion di 12 siman.

Pero Minister a splica Corte cu mester tuma un decision riba resultado di esaki, y ta
buscando un otro posicion pa Staring y ta contemplando tog si no por pidi su retiro.

Pero Corte a bisa cu prolonga e decision pa di tres biaha cu 12 siman ta di mas y esey no
t’e pensamento ora cu a traha e articulo di ley aki, cu e por dura pa basta tempo.

Huez a bisa den su decision cu e di tres prolongacion ta ilegal. No tin motibo urgente pa
no laga Staring eherce su trabou

A base di esaki a dicidi, cu mientras cu ta sperando riba un decision den
bodemprocedure, ta ordena pa laga Jerry Staring haci su trabou como Director di DVG,
entrante awe mes.